是日晚餐

由Yahoo Blog 搬過嚟(累積瀏覽 63)

5月11日星期三

尋日係佛誕 , 爸爸媽媽唔駛返工 , 仲以為有街街去 , 點知...........媽媽同我講前日滴咗頸 , 所以無得出街街 , 陪我玩咗一陣 , 佢哋仲走咗去沙田同公公婆婆飲下午茶 , 得番我一個响屋企 , 媽媽知道我有啲唔開心 , 親自下廚煮啲美食比我食 , 一定要同大家分享吓呢~!!

駝鳥肉拼三文魚拌菜菜粒

原來駝鳥肉營養價值很高呢 , 有健康三低 , 低脂肪 , 低膽固醇 , 低熱量 , 另有四高..........., 高蛋白質 , 高鐵質 , 高鋅質同多元不飽和脂肪酸 , 最啱我呢啲要 keep fit 嘅小朋友 !!
三文魚含豐富奧米加三脂肪酸 , 可有效降低壞膽固醇 , 又可以預防心臟病 , 含豐富嘅蛋白質及多種維他命 , 想毛髮有光澤 , 就要食多啲呢 !!  
至於菜心含豐富水溶性纖維、葉酸、鐵質及鉀質等，當中的鐵質更有助造血，提升血液循環。葉酸可維持神經系統健康，鉀質則幫助改善及預防高血壓 !!
媽媽話要我食得健康 , 所以一定check 過啲營養價值先煮比我食 , 真係用心良苦呢 !!
知道啲食物咁有營養 , 我真係好開心~!!

仲食得好放心呢!!  

有得食喇............食...............食..............食

唔駛一分鐘就食哂 lu ~!!

好好味呀)))))))))

爸爸笑我不停响度回味 ,  lam 到兩邊濕哂 ~!!

再回味吓先..............yummy

媽媽見我食得咁開心 , 佢話以後煮多啲 homemade 比我食呀 , 幸福嘅感覺從心底湧上嚟 , 錫哂媽媽呢 !!!!!!!!!!^0^