圓咕碌日記

2017年2月8日星期三

回歸 blog 界 2017

2017年 1月2日星期一

好耐無同大家見面喇...............有無掛住我呢 ? 一月份實在太忙太忙 , 無時間寫 blog , 過完農曆年 , 終於可以同大家見面 , 踏入 2017年.............好開心可以同另一位 blog 友見面 , 我哋識咗好多年 , 一直都未有機會見面 , 今次難得約到 , 真係超級開心同期待 , 我哋約咗响葵芳等 , 一齊坐車入馬灣 , 唔講咁多...............即刻去相 ~!!

第一站 : 古蹟館

第二站 : 芳蘭書室

第三站 : 唔打唔撞行咗嚟魚排 , 因為太熱關係 , 打完咭即走~!!

跟住我哋行咗入馬灣舊村 , 呢條村大至上已經無人住 , 得返啲屋响度咋

第四站 : 舊碼頭

呢度有海風吹 , 可以坐响度影吓相 , 當然唔少得同姐姐影合照呢~!!

仲有姐姐嗰妹妹都嚟咗 , 好高興認識你呢~!!

呢度啲屋好有大澳風情 , 坐定定影返張相先

唔該哂爸爸同我哋影咗咁多合照

開心呢~!!

謝謝姐姐幫我哋影咗張咁靚嘅全家福

响碼頭都望到太陽館

行到嚟涼亭 , 休息吓先..................今日真係幾熱吓

响呢度影吓相又行返出碼頭

响碼頭坐咗一陣

我哋決定出返沙灘食個 tea

响沙灘揀咗間茶餐廳 , 掛住食同傾計..................唔記得影相比大家睇 , 請大家見諒 , 快樂嘅時光過得特別快 , 同姐姐食完嘢 , 一齊坐車返葵芳 , 然後各自回家 , 今日我哋玩得好開心呢~!!

2017年1月9日星期一

2016 大棠紅葉相

12月29日星期四

今日爸媽攞埋佢哋今年最後一日大假 , 約咗 Qubi family 一齊上大棠影紅葉相 , 以為平日上嚟無咁多人啦...............結果都好多人 , 仲要啲紅葉因為天氣唔凍嘅關係 , 得幾棵紅呢~!!

全程就只有呢幾棵開得最燦爛

我要企高啲先影到紅葉~!!

我嘅朋友仔 Qubi 出場喇

影個近鏡比大家睇吓 , 係咪好靚呢 ?

企定定比爸爸影吓沙龍相

Qubi 就喜歡坐定定影

點少得同 Qubi 影合照留念

坐响涼亭影又可以避咗啲人 , 構圖唔錯呢 ~!!

Qubi 呢張好 man

點少得同媽媽影合照留念

Qubi family

兩個 family 影返張相留念

Qubi 姐姐話要抱我影合照相

回程時又影吓芒草

跟住去埋荔枝山莊影花花

影埋 Qubi 就走人 lu~!!

估唔到由早玩到晚 , 車 Qubi 去錦上路搭西鐵 , 我哋就回家呢 , 今日玩得好盡興~!!

2017年1月4日星期三

聖誕石澳遊

12月26日星期一

今日係 Boxing Day , 爸爸計過今日入石澳應該無咁多人 , 於是我哋十二點鐘出發 , 去到石澳一點鐘左右 , 泊好車..............我哋行咗去第一個景點 : 情人橋 , 呢個景點有好多人嚟影婚紗相架 , 有幾靚............即刻去相~!!!!!!!

呢度就係情人橋喇...................坐响度吹海風又真係幾爽爆~!!

第一次嚟呢度................點少得同媽媽影合照留念~!!

第二個景點 : 就係睇浪 , 啲浪打得好高 , 不過我都唔怕~!!

嗰日天色又夠藍 , 大浪打埋啲石頭度..................真係好震撼~!!

景點三 : 影屋 , 呢度有好多好有特式嘅屋 , 睇吓我身後呢間屋幾靚~!!

呢間屋就好有日式 feel

呢間屋前開滿好鮮艷嘅花花

呢間就好有聖誕 feel

行到去村入面 , 媽媽一定要影呢間紫色屋

呢幅牆係咪好有幾米 feel 呢 ?

一望無際嘅大海

同媽媽响度 hea 吓 , 好舒服呢~!!

最後影埋呢間咁有中國 feel 嘅屋

我哋去嘆個 tea , 食飽飽已經四點鐘左右 , 係時候回家 lu , 今日我哋玩得好開心呢~!!

2016年12月30日星期五

南生圍之美

12月18日星期日

今日我又做導遊.................帶第一次嚟南生圍嘅豆家四圍參觀 , 仲有好耐無見嘅晶 ee 都話一齊同行 , 約咗豆家同晶 ee 十點半响新元朗中心集合 , 人齊就入南生圍食早餐 , 食完早餐就帶豆家去第一個景點影相 , 即刻去相..................!!

景點之一 : 呢條橋係最多人嚟影緍紗相 , 我今日都要著得靚仔啲影張靚相留念~!!