由Yahoo Blog 搬過嚟(累積瀏覽 1079 )榮登Yahoo 精選 Blog
7月22日星期日
今日係中國節氣嘅大暑日, 媽媽話要煲冬瓜去吓暑 , 咁我呢~?? 
食咩嘢可以消暑...............就係我至愛嘅牛乳雪糕喇~!!!!!!!!! 
媽媽買得比我食嘅..............成份一定要健康 , 呢隻無糖 , 無防副劑嘅雪糕 , 就最啱我口味呢~!! 
為咗食...............我好合作架~!! 
開蓋喇..................
聞吓先.................真係好香豆乳味喎~!!
我唔客氣喇~!!!!!!!!!! 
食雪糕要懂得享受~!! 
識得慢慢嘆就最識食~!! 
好似我咁食就啱喇..................
yummy 
真係好好味呀)))))))))) 
咁快就收蓋...............唔比攞走呀~!!!!!!!!!! 
媽媽話每次只可以食少少, 最多1/5 杯, 原來我食咗1/5 杯, 所以要等今晚先再有得食呢~!!
話咁快就消完暑.............., 今日打風天氣又熱又焗 , 原本媽媽打算夜晚同我去公園行 , 可惜落雨取消咗 , 哈哈...............唯有比雪糕我食補番數啦~!! 
由Yahoo Blog 搬過嚟(累積瀏覽 1018)
7月15日星期日
每年到咗呢個季節...............我哋一家人都會去一次船河 , 今年都唔例外 , 朝早六點半起床 , 七點鐘出門口 , 一如以往都係响西貢食咗早餐先去碼頭集合 , 今次去香港有名嘅潛水勝地之一"甕缸灣" 游水 , 話明係潛水勝地當然唔少得防水相機啦~!! 舊年去完船河部防水相機壞咗 , 為咗今次影珊瑚 , 爸爸媽媽之前一晚出咗旺角買過部新防水相機呢~!!
今日天氣好好 , 藍天白雲出海最正~!!
响碼頭同媽媽等緊船埋岸~!! 
出海喇................途經東霸~!!
好耐無見 Alex 哥哥 , 當然要同佢影番張合照留念~!!
到咗"甕缸灣" 喇 , 呢度真係好靚 , 水清沙幼 , 啲水仲好綠呢~!!!!!!!!!
游吓水先................
好爽呀))))))))))
我隻私人船仔漏咗氣無得坐住吹海風 , 唯有玩吓浮板~!! 
難得嚟到呢度游水................當然要同媽媽影張合照留念呢~!!
游咗咁耐...............同媽媽坐响沙灘曬吓太陽~!!
爸爸去咗玩浮潛, 點解咁耐都未返架?? 
夠鐘食 lunch 喇.................快啲返嚟啦~!!
食飽飽同Chynna 姐姐, 哥哥合照~!! 
仲有呢個姐姐都好like 我架~!! 
因為食完 lunch 只有我們呢一家要上沙灘玩 , 船家私人用水上電單車載我哋去沙灘 , 咁大個仔都係第一次坐咋 , 驚驚~!!
嚟到沙灘又比媽媽捉咗落水游~!!
都係走為上著, 唔游向佢度~!!
上咗岸見到有獨木舟~!!
咁大個仔都未坐過 , 坐低休息一陣先...............
估唔到呢個沙灘有好多海膽~!!
媽媽行深咗少少, 唔小心踩中海膽, 拮咗幾條剌入腳板底 , 拔完刺仲留血 , 全個沙灘有九成人都踩中 , 好慘呢~!! 
聽船家講之前一日都無架 , 可能半夜落過雨 , 沖咗上沙灘喎~!!
爸爸玩浮潛影嘅珊瑚礁 ~!!
好靚呀)))))))))
估唔到香港都睇到咁靚嘅珊瑚礁 , 潛深啲仲睇到海参同珊瑚魚呢~!!
原來呢度係保育區嚟架~!!
睇吓幾大隻海膽~!!
仲有花螺添~!!
玩到三點半上船 lu~!! 跟住同身後面班小朋友影合照 , 個個都讚我乖呢~!!
影番張全家福留念~!!
快樂嘅時光過得特別快 , 係時候回程喇~!!!!!!!!!! 
媽媽除咗踩中海膽, 仲曬傷咗背脊 , 多得爸爸唔記得咗攞支防曬去沙灘 , 搞到媽媽瞓覺又痛 , 呢幾晚仲不停搽蘆薈Gel , 希望媽媽快啲好番呢~!! 總括嚟講..............都係值得去嘅~!!!!!!!!!!!!!
