元旦日行鶴藪

1月1日星期五


話咁快又踏入2016年 , 回顧2015年..............最開心同難忘嘅事情 , 當然係搞咗一個十歲嘅生日會 , 同埋一份靚靚嘅驗身報告 , 仲有就係..............有人落廣告响我個 blog 度~!! 展望2016年有更多開心難忘嘅回憶 , 一家人平平安安 , 爸爸媽媽工作順利 , 咁就足夠了~!!


今日魔鬼媽同佢個好友約咗我哋一齊行山 , 自從佢响星球回歸香港之後 , 我哋都係第一次見面 , 約咗响粉嶺火車站等 , 然後車埋佢哋去水塘呢~!!

新嘅一年 , 由行山開始~!! 

嚟到水壩...............影返張合照留念~!! 

呢隻狗狗行到熱哂...............沖咗落水塘玩水呢~!! 

魔鬼媽話呢個地方真係行得好舒服 , 仲讚媽媽揀得唔錯呢~!! 

坐定定影張靚相先....................

話咁快就行到嚟呢度

點都要影張合照留念

從高處望落水塘 , 山明水秀 , 好美呢~!! 

我哋仲响另一邊傾計 , 講笑 , 好 relax 

同媽媽影埋呢張相 , 就回程 lu 

因為我哋趕住去錦田 NZ 餐廳食 dinner  , 食飽飽就車ee 去大欖巴士站坐車 , 然後我哋先返屋企 , 我今日有個重要嘅使命 , 就係要令到ee嗰朋友唔怕狗狗 , 佢帶住手套嘗試摸我 , 終於成功咗 , 到最後佢除手套都夠膽摸我 , 仲讚我好乖呢 , 希望下次佢再挑戰抱我 , 咁ee 就超開心呢~!! 

東霸一天遊

12月28日星期一


今日爸媽請咗假 , 帶我去見 Blog 友 Joyce 姐姐 , 因為 Joyce 姐姐從馬來西亞飛過嚟香港過聖誕至新年 , 咁高興............一定要約埋殷師奶同大爺出嚟玩 , 大家一早商量好去東霸 , 約咗十二點响西貢集合 , 然後食個 lunch 先出發 , 泊低架車响北譚涌...............沿車路一直行~!!!!!!!

行到嚟呢度我可以 free run ~!! 

到咗呢個指示牌 , 繼續向前行

話咁快就嚟到"萬宜水庫" , 水庫建於1978年 , 是香港儲水量最大嘅水塘

比個近鏡大家睇吓 , 啲水好藍 , 猶如天然湖泊 , 好靚呢~!!!!!!!! 

另一邊就係創興水上活動中心

可以同媽媽一齊行萬宜水庫 , 真係好開心呢~!! 

一定要同媽媽影多啲合照留念

因為同啲石頭太似色 , 唯有著返件衫衫影相~!! 

影完相 , 响東霸出發........................

呢個石碑見証萬宜水庫落成

我身後就係"萬宜羈留中心" , 環境都唔錯

坐定定影吓沙龍相

响度欣賞咁靚嘅環境 , 真係好 relax ~!! 

著返件衫同媽媽影合照留念

哈哈.................呢張相吹到頭髮亂了

呢度真係幾好風架

你哋唔好掛住影相 , 開餐喇~!!!!!!!!! 

睇吓我哋.................食飽飽又玩到咁癲呢~!! 

好開心我哋由 blog 友變成好友 , 一定要好好珍惜呢份友誼

雖然無腳架 , 點都要嚟張全體大合照 , 哈哈................不過矇咗呢~!! XDDD

影吓傾吓 , 時間過得真快 , 日落黃昏 , 好美~!! 

 

啲牛牛開始出動

佢哋唔驚人 , 仲行得好優雅

同媽媽一齊睇日落好 sweet  , 希望2016年 , 可以同爸媽去多啲唔同地方 , 留下多啲美麗回憶~!! 

玩咗咁耐 , 要回程 , 唔係天黑呢~!! 

今日我好叻叻 , 行咗三個幾鐘頭 , 唔駛媽媽抱抱

再見喇 , 下年見..................

行返北譚涌攞車 , 然後去西貢食晚飯 , 食完飯仲去埋食甜品 , 真係超盡興 , 大家帶著疲乏的身軀回家 , 謝謝 Joyce 姐姐送比我嘅手信 , 錫哂你 , 上到車我已經攰到瞓著咗 , 回到家仲要洗白白吹毛毛 , 十一點鐘全家上床瞓覺 lu , 今日真係過得好美好~!! 

Boxing Day

12月26日星期六

今年嘅聖誕節好特別 , 撞正十九年一次嘅月圓日 , 即農曆初十五 , 爸媽嗰日要食齋 , 加上有朋友响外國嚟香港過聖誕 , 爸媽要陪朋友過聖誕 , 一盡地主之誼 , 所以我聖誕節無街去 , 要到今日先有街去呢 , 我哋去咗清快塘 , 原因係想睇吓嗰幾棵楓香樹變咗紅色未~!!

泊好車沿水壩開始行

見唔見我身後面嘅楓香樹 ? 未夠紅 ?  唯有用笑容搭夠呢~!! 

爸爸又同我影沙龍相留念

行到天橋 , 見到有塗鴉

企定定影張相留念

同媽媽一齊吹吹風

經過青龍頭 

沿途有好多芒草 , 仲開得好燦爛

爸爸影完未呀 ? 

唔等你喇..............我去媽媽度呢~!! 

 

行咗個幾鐘 , 係時候回程 lu................

今日我玩得好開心~!! 

話明 Boxing Day  , 我緊係有禮物收啦 , 爸媽送咗個聖誕禮物包比我 , 入面有2個蛋糕仔 , 仲有幾包風乾零食 , 仲有個聖誕玩具 , 有得食又有得玩 , 我好鐘意呢份禮物 , 謝謝爸媽呢~!!