1月1日星期五
話咁快又踏入2016年 , 回顧2015年..............最開心同難忘嘅事情 , 當然係搞咗一個十歲嘅生日會 , 同埋一份靚靚嘅驗身報告 , 仲有就係..............有人落廣告响我個 blog 度~!! 展望2016年有更多開心難忘嘅回憶 , 一家人平平安安 , 爸爸媽媽工作順利 , 咁就足夠了~!!
今日魔鬼媽同佢個好友約咗我哋一齊行山 , 自從佢响星球回歸香港之後 , 我哋都係第一次見面 , 約咗响粉嶺火車站等 , 然後車埋佢哋去水塘呢~!!
新嘅一年 , 由行山開始~!!
嚟到水壩...............影返張合照留念~!!
呢隻狗狗行到熱哂...............沖咗落水塘玩水呢~!!
魔鬼媽話呢個地方真係行得好舒服 , 仲讚媽媽揀得唔錯呢~!!
坐定定影張靚相先....................
話咁快就行到嚟呢度
點都要影張合照留念
從高處望落水塘 , 山明水秀 , 好美呢~!!
我哋仲响另一邊傾計 , 講笑 , 好 relax
同媽媽影埋呢張相 , 就回程 lu
因為我哋趕住去錦田 NZ 餐廳食 dinner , 食飽飽就車ee 去大欖巴士站坐車 , 然後我哋先返屋企 , 我今日有個重要嘅使命 , 就係要令到ee嗰朋友唔怕狗狗 , 佢帶住手套嘗試摸我 , 終於成功咗 , 到最後佢除手套都夠膽摸我 , 仲讚我好乖呢 , 希望下次佢再挑戰抱我 , 咁ee 就超開心呢~!!
圓咕碌個樣一d都唔似10歲. 好乖既親善大使!
回覆刪除今個月我就11歲了，時間過得真係快呢。
刪除我唔會摸你,會飛樸埋你度,攬返夠本^^
回覆刪除哈哈..........証明你好錫我呢。
刪除碌BB多運動又健康，驗身報告就好似你咁靚仔啦！
回覆刪除BB你冇著鞋，覺得地下凍唔凍o架？
係呀，行山真係好有益，所以份報告指數係靚嘅。
刪除唔凍架，我跑嚟跑去，不知幾熱呢。
咕碌仔係親善大使，駛咩驚呀
回覆刪除咪係囉，初時見佢帶勞工手套先敢摸我，笑屎爸媽呢。
刪除成日都行山，圓咕碌梗係健康啦，個樣仲青春常駐添:D
回覆刪除聽到艾華斯咁講..........真係好開心呢。
刪除碌碌, 唔怪之得你全程都化身成公仔咁啦! 張張相都chok到爆!(*3*) (*3*)
回覆刪除哈哈..........咁都比你發現到？都係B姐姐最了解我呢。
刪除Oh missing 魔鬼媽...she go to visit you always :)
回覆刪除魔鬼媽回歸香港住喇，以後好多機會同佢去街呢。
刪除REALLY?! So surprise!!!
刪除係呀，佢都係鐘意住香港多啲呢。
刪除原來圓咕碌今年11歲了，行山真是你的快樂泉源，健康良丹！
回覆刪除謝謝，我要keep住良好體魄，先可以陪媽媽耐啲呢。
刪除