由Yahoo Blog 搬過嚟(累積瀏覽 930)
8月19日星期日
我之前投訴過..............點解爸爸媽媽次次去飲茶都無我份 , 媽媽見我咁想去飲茶...............今日決定帶埋我去 high tea , 咁大個仔第一次去 high tea , 當然要著得隆重啲~!!
話咁快就嚟到目的地~!!
地方真係好舒適~!!
環境衛生都好好~!!
好好彩嚟到仲有一張枱 , 嚟之前最好訂定位 , 唔係有排等呢~!!
爸爸叫嘢食喇...............唔該我想食包包~!!
嘢食未嚟..............望住個咁靚嘅海景 , 真係賞心悅目~!!
有嘢食喇...............蝦餃唔算大隻...............不過皮滑蝦夠新鮮~!!
有蝦餃又點少得燒賣呢~!!
帶子腸粉夠哂滑 , 帶子又夠鮮甜 , 一個字"正"~!!
鳳爪汁夠濃 , 又好新鮮, 媽媽讚不絕口呢~!!
等咗咁耐..............我叫嘅义燒包嚟喇~!!
爸爸快啲比我食啦~!!
食完包包識到個新朋友仔 , 佢叫Bowdi , 得歲半大咋~!!
食飽飽出嚟花園仔八吓先 , 呢度有個金魚池 , 有好多金魚响入面游緊水~!!
仲有咁靚嘅長椅坐................响度睇海景真係好寫意~!!
見到我個笑容就知我好滿意今日個行程~!!
臨走同媽媽影吓合照留念~!!
天開始越嚟越黑 , 遠處仲傳嚟陣陣雷聲 , 影埋呢張相.................係時候返屋企喇~!!
咁正嘅環境响邊到嚟架??
咪就係有漁村之稱................
嘅三門仔囉~!!!!!!!!!!!
我哋由十二點半坐到三點鐘 , 足足hea 咗二個半鐘頭 , 出到嚟呢度趁未落雨 , 爸爸媽媽陪我行咗一陣 , 奇怪嘅就係...............我竟然响街上不停聽住雷聲都唔驚, 反而响屋企就好驚 ,
爸爸媽媽笑我有街去個膽都大啲呢~!! 
行咗一陣.............跟住上車返屋企 lu , 上到車出到公路就落好大雨 , 好彩走得快~!! 咁就過咗一個好愉快嘅 family day 呢~!! 
