由Yahoo Blog 搬過嚟(累積瀏覽 477)
11月6日星期日
今日爸爸媽媽話帶我去沙頭角揾村長個女 , 佢叫"你愛" , 呢個傳聞唔知大家有無聽過?? 
媽媽一直都唔相信村長個女真係叫"你愛" , 所以今次入嚟沙頭角解開呢個謎團~?? 
泊好車 , 由士多條山路行到嚟呢度 , 媽媽見到呢條樓梯就怕怕 , 於是媽媽揀咗沿海行~!! 
沿路風景真係好美 , 沿途有好多紅樹林區~!! 
媽媽話山長水遠入到嚟...............緊係要同我影番張相留念~!! 
點知行咗一陣...............始終都係避唔開要行樓梯~!!!!!!!!!! 
好在唔係好高咋~!!
行完樓梯就全部沿海而行 , 對面就係深圳嚟呢~!!
途經呢個碼頭 
同媽媽坐低吹吓海風 , 順便休息一吓~!!
行多一段路.................終於揾到條村喇...............謎底揭開喇................哈哈.............係無"你愛"呢個人~!!!!!!!!!! 
媽媽見我有啲失望..............就同我入村坐低食豆腐花 , 食飽飽就回程 lu ~!!
回程時................比我發現呢個大草地~!!!!!!!!! 
跑咗一陣................媽媽話開始入黑要走 lu ~!! 
出番嚟大街已經四點幾 , 响天后廟影埋呢張相上車返屋企 lu ~!! 
咁大個仔第一次入沙頭角 , 估唔到風景咁靚 , 仲幫爸爸媽媽揭開咗小時候聽番嚟嘅"你愛"傳聞 , 好有成就感呢~!!!!!!!!! 
有機會一定會再入嚟呢度玩呢~!!
由Yahoo Blog 搬過嚟(累積瀏覽 464)
10月30日星期日
今日爸爸媽媽一早起床 , 招呼完我食早餐 , 去廁所 , 原來佢哋約咗朋友飲茶 , 飲完茶返嚟接我去行山 , 响車上見到 ee 同 J 哥哥 , 好開心佢哋同我哋一齊去行山呢~!!
今次目的地係河貝水塘 , 泊好車..............由山腳一直行上山 , 途經有機農場 , 媽媽話入去睇吓有無士多啤梨賣~??
結果仲種緊..............要12月先有得賣, 啲大人唯有食住豆腐花先 , 媽媽話今次滑咗好多 , 好味呢~!!
咪以為我無得食 , 媽媽叫咗個"迷迭香芝士法包" 比我試吓 , 真係好好味呢~!! 
坐响度等包包個心急樣 , 比媽媽偷影到呢~!! 
食飽飽我哋响農場行吓 , 比我發現咗呢度有個仙人掌場~!!
當然要影番張相留念呢~!!
跟住行吓菜田 , 呢種菜叫做 "火焰菜 " 唔知我食唔食得呢~??
呢度有好多唔同品種嘅花~!!
媽媽見到咁靚嘅花花..................忍唔住攞咗部機嚟影~!!
媽媽都係鐘意影玫瑰花多啲~!!
臨走..............點少得叫人幫我哋影張大合照~!!
呢張全家福係大師 J 哥哥幫我哋影架 , 我好鐘意呢~!!
行完農場...............我哋決定上埋水塘 , 呢度係河貝堤壩~!!
環境仲好優美~!!
蝴蝶雙飛
係時候要行番落山 lu~!!
沿途又影吓花花
行到一半比爸爸發現另一邊山路可以行去石崗 , 仲有個小瀑布添~!!
影完相...............太陽開始落山~!! 
從山上望下去仲見到西鐵站車廠~!!
天就嚟黑要行快啲至得 , 上到車已經五點鐘 lu ~!! 
今日玩得好開心 , 謝謝 ee 同 J 哥哥幫我哋影咗好多全家福 , 媽媽同我都好鐘意呢~!!
