廣告

2015年6月11日 星期四

有blog 友自美國來


6月6日星期六

今日真係好開心呀 , 有個 blog 友識咗好多年 , 難得佢同個女返嚟香港旅行 , 仲約我哋見面 , 當然要一盡地主之誼 , 帶佢哋周圍食食食 , 由於天氣實在太熱 , 媽媽代我招呼住佢哋先 , 我响屋企嘆冷氣 , 瞓個晏覺 , 夜晚先出嚟呢~!!



第一站: 同 blog 友仔去食車仔麵 



呢間車仔麵日日都好多人排隊 , 有幾好食呢 ? 




呢份餐係媽媽嘅................魚蛋好彈牙 , 豬腸淋得嚟好新鮮 , 羅白就一般 , 雞翼滷得好入味 , 媽媽話大致上都唔差 , 食得過~!! 




Ruby ee 話幾好味 , 不過食到有少少味精呢~!! 




第二站 : 由於我呢個 blog 友係養貓嘅 , 所以佢對貓係特別鐘情 , 於是媽媽帶佢哋去探朋友响 pet shop 養嘅貓貓 , 呢隻貓貓叫 " 虎虎 " 已經十一歲呢~!! 




係咪好靚女呢 ? 




呢個係虎虎個男人 , 比較 cool 啲呢~!! 




兩公婆係咪好有夫妻相 ? 同佢哋玩咗二個幾鐘 , 係時候去食個甜品呢~!! 




第三站 : 呢間店响元朗開咗唔係好耐 , 每晚都好多人排隊 , 媽媽上次嚟到見咁多人等位 , 所以走咗 , 難得今次下午嚟唔駛等位 , 終於可以試試佢哋嘅甜品~!! 




當然要試吓佢哋嘅招牌盆裁 Tiramisu , 酒味香濃 , 真係好好味~!! 




仲有呢個抹茶味嘅 Tiramisu , 反而一啲抹茶味都無 , 麻麻地




呢個紅白心太軟 , 一冷一熱真係好好味 , 推介




傾吓食吓 , 臨走影返張大合照留念~!! 




最後一站 : 泰國菜
輪到我( 咕碌 ) 出塲喇
呢間泰菜响屯門 , 係由泰國人開 , 開咗超過十年 , 食物好正宗架
古法燒蜆肉 , 配麵包夾嚟食 , 好好味~!! 




馬拉盞炒通菜




蝦餅配春卷 , 仲有沙嗲串燒




紅咖喱雞




原個椰子炒飯




點少得同姐姐影合照留念




加埋 Ruby ee 一齊同我影 , 我好開心呢~!! 




謝謝 Ruby ee 送比我哋嘅禮物 , 有潤手箱 , 朱古力同我都有份嘅濕糧 , 有心呢~!!




食飽飽車返 Ruby ee 同姐姐出大窩口 , 咁就過咗一個開心嘅星期六 lu ~!! 









26 則留言:

  1. OMG...I just see this pop desert shop on TV tonight~Special want to try their special dish~Mushroom Forest :) P.S.虎虎好靚呢!!! all your best friend come form international le XD

    回覆刪除
    回覆
    1. 呢間係出名食分子料理 desert , 估唔到靚姐姐都有留意~!! 下次返嚟香港一定要試吓呢間嘅Mushroon Forest 喇 , 最多我陪你一齊食吖 ?
      虎虎真係好得意架 , 又乖又靚女呢~!!
      講時講..............我啲國際 blog 友仲欠你一個未見到面呢 , kaka ~!!

      刪除
    2. HAHAHAHA~hope can see you coming CNY if you dun mind we can meet up awhile (breakfast/lunch or Hi-Tea)?!

      刪除
    3. Really? I'm glad to hear that , see u later ~!! ^.^

      刪除
  2. 永年間鋪靚左好多,又有好味奶茶飲
    真係好多BLOG友想識你,人緣好到極呀~~

    回覆刪除
    回覆
    1. 我都係第一次食咋 , 原來奶茶出名 , 下次要試吓呢~!!
      其實要多謝 yahoo 呢個平台 , 令到我識咗好多唔同國家嘅 blog 友 , 不經不覺個個都識咗好多年呢~!!

      刪除
  3. 回覆
    1. hehee...............聽到你咁讚我 , 面紅呢~!! ^0^

      刪除
  4. 間間嘢食都好吸引呀,流口水啦~~

    回覆刪除
    回覆
    1. 媽媽介紹得嘅食肆 , 一定要有返咁上下呢 , 卡卡 ~!!
      有時間艾華斯都去試吓吖 ?

      刪除
  5. Oh~ 可惜咁岩我唔o係HK (T_T)
    否則阿丸有機會同咕碌見下面
    兩都都係姓"圓" 應該三分親, he~he~

    回覆刪除
    回覆
    1. 我都覺得可惜,因我都想見吓丸丸呢。

      刪除
  6. 見到妳們相聚都覺到好開心呀!

    回覆刪除
    回覆
    1. 謝謝 Man Man 感受到我哋見面嘅喜悅,呢份緣真係要好好珍惜呢。

      刪除
  7. 碌BB,我返左尼啦!買左少少手信俾你啦!

    回覆刪除
    回覆
    1. 歡迎 janejane 去完旅行返嚟 , 估唔到我都有手信收 , 你對我太好呢 , 錫哂你呀~!!!!!!!!

      刪除
  8. 永年, 它是陪著我長大的, 看到它改變, 感覺自己老了很多很多... 由永年老太的一代、夫婦二人組及至而家少爺二人組, 除了裝修之外, 其他的已大不如前... anyway 有人仍然喜歡已足夠了....

    回覆刪除
    回覆
    1. 原來月 ee 見証永年嘅改變 , 我第一次食 , 只係知道每日都好多人排隊呢 , 卡卡~!!

      刪除
    2. 係架, 對於EE 來說, 它一點都不陌生; 而家它真的很誇張, 每日也有不少由九龍駕車入去食的呢....

      刪除
    3. 原來月 ee 細個住元朗,難怪咁清楚永年呢。

      刪除
  9. 好鐘意呢篇呀,好多貓貓同狗狗。

    回覆刪除
    回覆
    1. 哈哈.........有貓咪你先睇得咁開心呢。

      刪除