廣告

2015年5月8日 星期五

Blog 友自遠方來


1-5-2015 星期五

今日係五.一勞動節 , 呢日對咕碌家嚟講真係好特別 , 因為住响馬來西亞嘅一位 blog 友嚟咗香港旅行 , 仲約咗我哋同另一位 blog 友一齊見面 , 期待同興奮嘅心情真係非筆墨能形容~!!



第一站 : 屏山和記食午餐
因為無 outdoor , 所以我派咗媽媽陪 Joyce 姐姐同殷師奶 , 睇吓佢哋一行五人食咗咩嘢先................




由於最出名嘅波羅油賣哂 , 唯有食滑蛋牛肉包 , 估唔到比到驚喜大家 , 值得推介~!! 




蕃茄湯墨魚丸通粉




餐肉蛋出前一丁麵 , 蕃茄湯底 , 正)))))))) 




五香肉丁拼牛肉出前一丁麵 , 食飽飽啲大人返嚟車埋我一齊去街街




第二站 : 馬鞍山家樂徑


嚟到因為太多人 , 所以我哋決定行上山 , 當然由我帶路呢~!! 




全條山路都濕哂 , 應該一早落過一場大雨 , 不過都無損我哋嘅靚靚心情~!! 




話咁快就上到嚟山頂 , 呢兩個妹妹仔好鐘意同我玩 , 仲玩到唔捨得走添~!! 




從馬鞍山觀景台望落去 , 風景真係好美~!! 




點少得同 Joyce 姐姐照合照留念呢~!! 




加埋殷師奶 , 我真係艷福無邊 , kaka ~!! 




行山途中又影吓相 , 傾吓計




落咗山周圍聞吓先




又玩吓平衡木




做埋腳底按摩就舒服哂呢~!! 




第三站 : 烏溪沙心型石


第一次嚟呢度 , 同媽媽影張合照留念~!! 




真係好大個心心呢~!! 




又嚟張大合照




玩到耶穌光都出埋 , 好盡興呢 , kaka ~!! 




第四站 : 大埔三小姐食 dinner 


呢間小菜非常出名 , 由一位歌手開嘅 , 當然要帶姐姐嚟試吓啦~!! 




招牌沙薑雞 , 啲肉真係好滑 , 推介~!! 




椒鹽九肚魚




椒鹽鮮魷




菠蘿咕嚕肉




金銀蛋浸莧菜




最後一站 : 彩虹甜品店

啲大人食完晚飯仲未夠喉 , 走咗去食甜品 , 見到個個笑到四萬咁嘅口 , 就知大家食得好開心呢~!! 




特別鳴謝 : 

謝謝 Joyce 姐姐送咗咁多手信比我哋 , 有食嘅又有著嘅 , 仲有我件雨褸同玩具 , 真係好有心思嘅禮物 , 抵錫~!!  

當然唔少得殷師奶送嘅見面禮 , 一樣咁有心思架 , 親手做嘅皮革散紙包同日本煎餅 , 媽媽好鐘意呢 , 謝謝你~!! 




返到屋企沖埋涼涼 , 已經十點幾 , 謝謝你哋比咗個開心又難忘嘅勞動節咕碌家呢~!! 







28 則留言:

  1. 嘩~ 碌媽勁有效率喔,甘快就出到文!
    而家看番個日嘅行程,真係好癲,但好開心同充實... 尤其有你地陪我一起癲~ 咔咔咔!
    看到大爺俾你打格仔真係笑到噴飯...
    話說... 點解你地無着件 Tee 出來吖~ hmmmm...

    回覆刪除
    回覆
    1. 見你哋仲未有人出,唯有我出先啦,卡卡。
      你都唔知........呢篇blog 我寫咗2個幾鐘,寫到尾聲先諗起欠咗張禮物相,跟住又再响相機揾返張相出嚟,搞嚟搞去先覺得完美咋。
      嗰日行咗咁多地方真係有啲累,不過都開心嘅。
      大爺唔出得樣,唯有咁做,kaka
      你送嘅衫我好鐘意,不過太細.........著唔落呢,你太睇得起我喇,卡卡。

      刪除
    2. 等我懶多陣先喇~ HoHoHo

      刪除
  2. 好快手喎......
    我都係,大爺變左4方格,好好笑,佢話唔該你喎
    那天真係好勞動,仲好難忘,約得出嚟見面就是緣份

    回覆刪除
    回覆
    1. 唔快手架,等極你哋都無人出,唯有我出囉,加上好多相都係用手機影,唔駛執,方便呢。
      我淨係搞大爺張相都花咗唔少時間,試咗好多版本,初時只係封對眼,又覺得好容易認得出,再姐多啲又唔好睇,後尾決定全姐,唔駛煩,卡卡,大爺一定好滿意。
      嗰日真係行到好累,不過玩得好開心呢。
      好高興認識到你,估唔到大家都好啱 key ,緣份真係好奇妙。

      刪除
  3. 碌BB要坐車裡面等你地咁乖,有冇獎勵呀?
    甜品店又入得喎!有冇份食呢?

    回覆刪除
    回覆
    1. 我唔駛坐响車入面,我响屋企瞓陣覺,佢哋食完午餐返嚟屋企車我呢。
      間甜品店唔入得,不過响商場一角開張枱,咪有冷氣嘆囉,卡卡。

      刪除
  4. 嘩~真係好充實嘅勞動節呀!個晚我都係大埔,早知去大埔墟或者彩虹同你地say個hi啦~~

    回覆刪除
    回覆
    1. 哎喲.........錯過咗同艾華斯見面添,如果見埋你真係blog友大聚會呢,卡卡。

      刪除
  5. 圓咕碌今日有3位美女相陪, 好似靚仔d~

    回覆刪除
  6. 我遲兩個星期返香港呀,會約圓丸媽,唔知咕碌媽妳有無興趣出o黎聚吓呢

    回覆刪除
    回覆
    1. 好呀,我都想見吓你哋呢。

      刪除
    2. ok, 我返到香港再約妳,香港見

      刪除
    3. 你可以响 fb send 私人 message 比我 , 到時可以交換電話 no. 好嗎?

      刪除
    4. 我都係咁諗囉,但要返到香港至知電話號碼幾多號,總知到時PM妳

      刪除
  7. Baby...U really POP~a lot of international fans go to visit you le XD
    Next time I need your mummy guide me to enjoy the HK Tea House...special want to try that 滑蛋牛肉包 +餐肉蛋出前一丁麵 , 蕃茄湯底 , 正)))))))) I believe these standard cannot find at Tsimshatsui or Mongkok lor !!!

    回覆刪除
    回覆
    1. 哈哈.............我仲等緊靚姐姐你呢? 等到我頸都長喇~!!!!!!!!! 其實我好多 blog 友都識咗好耐 , 所以一早已經係朋友嚟呢~!!
      媽媽話好樂意做你嘅响導 , 講真呢啲咁有特式嘅老店.............真係要入到嚟元朗先有呢~!!

      刪除
    2. I also want to give you hug hug always, sorry to keep you waiting le...coz my working firm its quite difficult to stay long vacation...Yes I got stay in Yuen Long 1 year+ in the past...very peaceful & a lot of good choice of local food there ...missing :)

      刪除
    3. 我當然知道靚姐姐工務繁忙,同你開玩笑咋,原來靚姐姐住過元朗一年,咁一定好懷念呢邊啲食物呢。

      刪除
  8. 碌碌今次又可以做親善大使, 帶姐姐環遊香港一日遊! (^0^)b (^0^)b

    回覆刪除
    回覆
    1. 其實我做咗一日親善大使咋 , 因為佢哋真係可以由朝玩到晚 , 我年紀大頂唔住 , 其餘一日由爸媽頂替呢 , 我都係鐘意响屋企 hea 多啲 , 卡卡~!!

      刪除
  9. 心型石真係好特別 , 有機會都要帶呀曈去行下

    回覆刪除
  10. 三小姐基本上我無去過, 因為店主得罪了熊仔呢... 我地多數去伍仔記, 下次你地可試試

    回覆刪除
    回覆
    1. 原來係咁,有機會都會試吓你推介嗰間呢。

      刪除