廣告

2015年3月20日 星期五

一連串事件簿


3月14日星期六

媽媽 Book 咗今日同我去打一年一度嘅防疫針 , 點知醫生臨時通知要更改時間 , 由上午改為下午四點鐘 , 媽媽見有時間 , 決定同我落街行吓~!! 



其實只要有街街去 , 去邊都無所謂呢~!! 







行到嚟呢度 , 媽媽放低咗個袋 , 話要用手機同我影幾張相留念~!! 








今日唔見有狗狗嘅 ? 平時呢度係狗狗集中營嚟呢~!! 








睇嚟今日都無狗狗陪我玩 , 响呢度 hea 咗半個鐘 , 係時候返屋企洗白白喇~!! 








响診所等咗個幾鐘先有得見醫生 , 媽媽一早同姑娘講好咗..............除咗打防疫針 , 仲會做埋 body check , 點知醫生話太忙無時間做 body check , 叫媽媽隔二個星期再嚟過 , 媽媽都有少少不滿 , 因為一早約好咗 , 不過都算數 , 點知打完針返到屋企見到個針位流血 , 周圍仲瘀哂 , 真係好嬲呢 , 點解張醫生打針差咗呢 ? 心痛屎媽媽呢~!!!!!!!! 






3月15日星期日

因為打咗針 , 抵抗力會弱咗 , 今日要留响屋企休息 , 醫生仲話一個禮拜唔可以沖涼 , 唔怪之得媽媽打針前同我去咗街街先 , 仲沖埋涼涼呢 , 原來係咁~!! 


3月16日星期一

今日爸媽返咗工 , 我下午開始肚仔好唔舒服 , 不停肚痾 , 媽媽食 lunch 响手機見到咁嘅情況 , 即刻請假飛返嚟屋企睇我 , 由每小時一次肚痾 , 到夜晚半小時一次 , 咁啱張醫生又放咗大假 , 唯有求其 book 一個醫生睇 , 最快都要八點先有得睇 , 除咗肚仔唔舒服之外 , 其他方面我都好精神 , 等爸爸放工返嚟 , 食埋飯 , 然後揸車落元朗睇醫生 , 等咗一個鐘先有得睇 , 入到去見余醫生 , 醫生話要驗便便睇吓有無菌 , 爸媽都預咗 , 我聽到醫生話要拮我 pat pat  , 我咪 woo 爆佢 , 醫生跟住就好驚青 , 又話要幫我帶喇叭 , 又驚我咬佢 , 媽媽見到咁嘅情況 , 唯有抱住我比安全感我 , 仲叫我唔駛怕 , 一拮入我 pat pat 我就不停掙扎 , 抓損咗媽媽隻手 , 跟住醫生話要探熱 , 今次到爸爸抱我 , 我不停掙扎 , 撞損咗爸爸個咀唇 , 搞到醫生決定唔探熱 , 話我太緊張 , 我成功咗呢 , 卡卡~!! 



報告出咗.............無菌無蟲 , 醫生都話揾唔到原因 , 唯有照開腸胃藥比我食 , 仲開埋杜蟲藥水 , 媽媽已經同醫生講咗 ,  早幾日先食咗杜蟲藥 , 咁快又再食 ? 唔知會唔會有事 ? 醫生話啲藥無幅作用 , 唔緊要呢 , 媽媽當然唔信 , 唔會比我食 , 呢個醫生太年青 ,  經驗唔夠 ,  爸媽對佢開啲藥有少少懷疑 , 希望啲藥有效啦~!! 






睇吓我食咗藥幾攰 , 無哂心機呢~!! 






希望我快啲好返 , 辛苦哂媽媽照顧我呢~!! 






26 則留言:

  1. 打針打到瘀佐真系陰公猪; 估唔到咕緑肚痾唔舒服但都仲有力氣整損爸爸媽媽呢~ 認真活力充沛!
    LOL
    但知你而家好番佐大家都好開心呢 <3

    回覆刪除
    回覆
    1. 好彩瘀咗幾日就好返,媽媽見到最心痛呢。
      我用盡哂全身氣力反抗,難免會傷及爸媽,我都唔想呢,卡卡。
      謝謝Joyce 姐姐關心。

      刪除
  2. 陰公豬, 眼仔濕濕咁! 今日好返啲未呀? (′ ~ ‵)

    回覆刪除
    回覆
    1. 今日好返哂喇,只係啲抗生素未食哂,仲要食多2日呢,謝謝B姐姐關心。

      刪除
  3. 個樣無晒心機,慘慘豬呢,要快啲好番

    回覆刪除
  4. 其實某D醫生真係好求其,約好左都可以推,真係想XYZ佢......
    睇唔出你掙扎既時候咁好力水喎,又爪又撞~~叻叻呀)))))))哈哈哈.........

    回覆刪除
    回覆
    1. 呢個醫生係由細睇到我大架,唔知係咪嬲我一年幫襯佢一次(打針),所以無以前咁細心呢。
      唔好睇我細細粒,我查實好大力架,卡卡。

      刪除
  5. 小小病難你唔到, 快D 康復啦

    回覆刪除
    回覆
    1. 媽媽話少病是福呢,我已經好返好多呢。

      刪除
  6. 知道圓咕碌咁陰公豬,真係好唔開心呀!
    希望圓咕碌快些好番,見番個精精神神個樣啦。

    回覆刪除
    回覆
    1. 搞到 Man Man 咁擔心我,真係唔好意思呢。
      食咗幾日藥,便便已經正常返,好得8899呢。

      刪除
  7. 哎喲!碌BB呵!瞓多d覺快d好返吓!錫錫。
    最尾張相好靚!不過唔要咁樣表情囉!要好返.要好返.要好返...

    回覆刪除
    回覆
    1. 除咗食咗藥有啲攰,其他時間我都好精神,胃口仲好好添,janejane 唔駛擔心我呢。
      我今日已經好返九成,仲要食多兩日抗生素,就完全好返哂喇,聽日約咗女神去街,唔可以咁失威,所以一定要好返呢。

      刪除
    2. 係咪有豆豆靚相睇囉?

      刪除
    3. 有呀,執緊相,聽晚先有時間出呢,卡卡。

      刪除
  8. 好陰功啊……希望你快D好番~~咪擔心死爸爸媽媽啦~~

    回覆刪除
    回覆
    1. 我都唔想爸爸媽媽擔心,真係辛苦哂佢哋呢。

      刪除
  9. 圓咕碌依家好返未呀!!
    一個睇開而又信得過既醫生真係好重要,touchwood JimJim 睇開果度都OK,唔會亂叫人驗呢樣驗個樣,好彩今次只係肚仔痛,擔心死你媽咪啦!!! 要快D好返啦~~

    回覆刪除
    回覆
    1. 我已經好返哂喇,不過瘦咗少少,依家要努力谷肥自己,媽媽真係好辛苦,睇完醫生半夜又肚痾,媽媽要起身幫我搞清潔,所以我最錫媽媽呢。

      刪除
  10. 而家先睇到圓咕碌病咗, 好心痛呢! 好返就好喇, 好在媽媽全天候監控, 先可以及時照顧圓咕碌.....^^

    回覆刪除
    回覆
    1. Grey ee 有心呢,媽媽最怕我病,佢話仲慘過自己病呢,卡卡。

      刪除