廣告

2015年3月3日 星期二

年初三 , 四過得好開心呢~!!


2月21日大年初三

原本今日同豆豆朱屎家去街街 , 點知佢哋以為今日會落雨 , 一早取消咗我哋嘅約會 , 新年又無機會見到我嘅女神 , 唯有自己玩得開心啲呢~!! 



今日去咗屯門一個新地方玩 , 呢度風景都唔錯~!! 





睇到我嘅笑容 , 就知我有幾 happy 啦~!! 






























玩玩吓太陽伯伯出咗嚟





呢度仲望到海景架






企响度吹吓海風先






扮吓 cool 比媽媽影






今日爸爸無帶相機 , 全部相都係用手機影 , 唔知大家又睇唔睇得出呢 ? 






睇吓我同媽媽幾合拍 , 一齊側側頭影呢 , 卡卡~!! 






玩咗成個鐘...............係時候要上嫲嫲屋企 , 我第一次去咋 , 一定唔可以遲到呢~!! 





2月22日星期日(年初四)

有朋自遠方來 , 媽媽兩個好朋友今年由不同國家返嚟同我哋拜年 , 自從佢哋嫁咗去外國 , 已經有二年幾無返嚟香港 , 一個住响星球 , 一個住响德國 , 難得今年兩個一齊返嚟 , 當然要好好招呼佢哋啦 , 爸爸一早去咗樓下間酒樓等位 , 可惜佢哋嚟到都仲未有位 , 唯有一齊傾住等 , 都等咗個幾鐘先有位食嘢呢  , 食飽飽就去咗附近嘅公園玩 , 3個大人睇住兩個小朋友 ( 佢呀媽坐埋一邊玩手機唔理 ), 原來真係幾吃力架 , 兩個小朋友玩咗成個鐘都唔肯走 , 唯有抱佢哋走呢 ~!! 


嚟到我屋企 , 當然要影返張合照留念





呢個係細佬 , 佢係中德混血兒 , 真係好可愛~!! 



 



呀哥 QQ , 我睇住佢大架 , 唔知大家仲記唔記得佢呢 ? 佢高咗好多 , 仲同我玩波波~!! 






難得佢哋兩個都返嚟 , 一定要坐定定同佢哋合照~!! 






QQ 哥哥同我最老友






媽媽話細佬最坐唔定 , 好難同佢合照 , 呢張都收貨呢~!! 






QQ 好乖架 , 媽媽買咗好多玩具比佢呢~!! 






最後出動埋腳架 , 爸爸話要影返張全家福留念喎~!! 個個望鏡頭 , 唯獨細佬唔肯望鏡頭呢~!! 





快樂嘅時光過得特別快 , 佢哋約咗家人食晚飯 , 坐到五點幾由爸媽車佢哋出去九龍 , 我食埋糧糧要瞓一陣 , 爸媽車完佢哋就去咗鑽石山食 dinner , 新年假期話咁快就完結 , 爸媽初五都要返工呢 , 祝初五返工嘅朋友們 , 開工大吉呢~!!!!!!! 







20 則留言:

  1. Oh the left hand side one is my old old blog friend too....miss her soon much! but so sad she never write blog anymore...don't know she still remember me or not...:-p
    P.S. Special love the snap with your daddy one....GOT NICE FEEL!
    Actually nice snap also can by hand phone de :)

    回覆刪除
    回覆
    1. 估唔到靚姐姐仲記得魔鬼媽 , 佢無寫 blog 好耐喇 , 媽媽有响佢面前提起過你 , 佢都記得你呢~!!
      我都話媽媽影相構圖好過爸爸 , 媽媽叫爸爸影返張同佢嗰張一樣 , 結果變咗另一張相出嚟 , 激屎媽媽呢 , 卡卡~!!
      謝謝你讚媽媽影我同爸爸嘅合照好睇呢~!!

      刪除
    2. U're most welcome Dear~ Glad to know 魔鬼媽 still remember me (touching)

      刪除
    3. 其實我都好想見吓靚姐姐,希望有機會你嚟香港,我可以同你去街街。

      刪除
  2. 初三我都去咗見一個狗朋友呢,後來再出街就落雨呀~~
    開心嘅時光過得特別快,雖然幾日連假,轉睇又返工LU~而家又要等復活啦~~哈哈XD

    回覆刪除
    回覆
    1. 我嗰邊無落過雨 , 原來艾華斯都約咗狗友見面呢 , 一定好好玩~!!
      係呀.............快樂嘅時光真係過得好快 , 唯有等4月呢 , 卡卡~!!

      刪除
  3. 碌BB最乖就係張張相都望鏡頭,好合作嘅毛豆呀!
    媽媽影相就有心思,人和狗就係主角,而爸爸影相就顧住整個背景構圖,主角唔特出囉!

    回覆刪除
    回覆
    1. 謝謝 janejane 嚟探我,開心 ing ,我呢個模豆都幾專業架,卡卡。
      哈哈..........比janejane 估中哂,比十個讚你呢。

      刪除
  4. 碌碌笑得好開心, 張張都影得好靚仔呀!

    回覆刪除
  5. 有小朋友陪咕碌仔玩,開心

    回覆刪除
    回覆
    1. 我同佢兩兄弟玩得好開心呀 , 因為我好鐘意小朋友~!!

      刪除
  6. 住喺附近都冇上過去,唔知道係咁靚,更唔知狗狗都入得。

    回覆刪除
    回覆
    1. 原來你同我嫲嫲都係住响嗰度,真係橋呢,嗰日都係無意間經過發現,上到去見無人咪周圍影吓相囉,後來有食蕉出嚟,先知唔可以比狗狗入呢。

      刪除
  7. 碌碌坐定定個張好正經! 後面幾張唔同晒

    回覆刪除
    回覆
    1. 好開心小月又嚟探我,謝謝你呢。
      坐定定張相又真係幾正經,卡卡。

      刪除
  8. 兩位MIX仔仔都好靚仔呀, 加埋圓咕碌真係不得了呀!!
    不過最合作都係咕碌,張張都有望鏡頭!!!

    回覆刪除
    回覆
    1. hehee..............三位美男子係咪好上鏡呢?
      緊係.............唔可以比佢兩兄弟搶哂我鏡架 , 卡卡~!!

      刪除
  9. 回覆
    1. 好掛住QQ , 我睇住佢大架 , 所以見到佢我好開心呢~!!

      刪除