廣告

2014年12月31日 星期三

Boxing Day 睇紅葉


12月26日星期五

上個星期媽媽隻手痛到瞓唔到 , 仲無力拎嘢 , 連最基本揸支筆都有困難 , 即刻 book 去睇骨科 , 最快平安夜當日有得睇 , 就係咁平安夜响屋企渡過 , 估唔到聖誕節當日全日落雨 , 媽媽又可以有藉口响屋企休息吓 , 所以聖誕節無節目 , 對我嚟講响屋企都無所謂 , 哈哈...............因為我有聖誕蛋糕同曲奇食 , 又有爸媽陪住我玩 , 一家人平平安安就可以了~!! 

今日係 Boxing Day 好彩天公造美 , 因為一早約好咗朱屎家上大棠行山兼影紅葉相 , 十二點半响元朗一齊食 lunch , 食飽飽先出發 , 今年因為太多人去影紅葉 , 所以一個月前政府開始封咗上山條路 , 泊車要泊去大棠荔枝園嗰停車場 , 然後行上山 , 嚟咁多次都未試過行上山 , 運動量一定夠呢~!! 


上到山就會見到好多青蛙宣傳牌



急不及待影紅葉相




當然唔少得同媽媽合照




今年啲紅葉真係好紅呀)))))))))) 




睇吓我身後面幾多人




唯有爬上樹影先無人呢 , 卡卡~!! 




朱屎小姐影相真係好上鏡




睇吓呢張幾日本 feel 




家庭照一定無得走~!! 


 


真係好似去咗外國睇紅葉 , 好靚呀~!!!!!!!!! 




行到另一邊有幾棵全黃色楓葉 , 真係好特別~!! 




朱屎小姐話唔止特別仲好浪漫呢




爸爸抱到我成隻 bear bear 熊咁 , 好搞笑~!! 




影咗兩個幾鐘頭 , 臨走同豆媽影返張合照



然後去石崗 high tea , 我又有包包食喇 , 食到五點幾車豆媽返元朗搭車走 , 今日行咗好多路 , 攰到爆 , 不過超開心又難忘呢~!! 










24 則留言:

  1. 碌碌媽隻手好番未? 要小心D呀! 依輯相影得好靚呀, 我都想去影架, 不過諗起好多人去就怕怕

    回覆刪除
    回覆
    1. 有心,好返好多喇,嗰日算無咁多人,可能因為之前一日落過雨。
      祝仔仔家除夕夜快樂~!!!!!!

      刪除
  2. 咕碌媽保重呀!去影靚相係一個好好嘅假期活動呀~

    回覆刪除
    回覆
    1. 咕碌媽: 唔駛擔心,已經好返八成呢。
      哈哈.......影靚相之餘仲可以出一身汗,真係好好呢。
      祝願艾華斯踏入2015年事事順利,身體健康呢,Happy New Year~!!!!!!! ^0^

      刪除
  3. 碌媽媽隻手那部份痛呀?我手指手掌連接位都會痛,要時時時做運動嘅!
    碌BB凍唔凍呀!爸爸抱你張相好靚好得意呢!

    回覆刪除
    回覆
    1. 咕碌媽:同你一樣就係手指公同手婉痛,醫生都有教我做手部運動。
      咕碌:嗰日不知幾熱呀,媽媽帶咗衫比我都唔駛著呢。
      嗰張相媽媽影得好好,表現到我最可愛嘅一面,卡卡。
      祝願 janejane 2015年,幸福快樂,影多啲靚相比我睇呢。
      Happy New Year~!!!!!! ^0^

      刪除
    2. 咁要手指多d坳出啦!即係拉筋啦!一得閒又做,密密做啦!
      新年快樂!大家健康!

      刪除
    3. 咕磯媽:聽你話做多啲拉筋運動,謝謝你。

      刪除
  4. 碌碌媽你隻手無事嗎? 點樣整到咖, 睇跌打還是睇西醫? 我同你都同病相連, 我整到腰, 你整到手! 唉!!!
    無事嘅! 唔好嘅運氣會隨住2014一齊走晒! Yeah!!!

    回覆刪除
    回覆
    1. 做家務時整到架,睇西醫骨科,做激光好痛,星期一覆診做第二次,痛到我大叫,跟住又做咗10分鐘超聲波,食埋呢幾日藥就好返哂喇,大家都要健健康康呢。

      刪除
  5. 紅葉真係好靚呀。
    祝圓咕碌一家新年快樂!身體健康!

    回覆刪除
    回覆
    1. 謝謝讚美。
      我都祝你新年快樂,身體健康呢。

      刪除
  6. 大棠紅葉好靚呀,圓咕碌新年快樂﹗

    回覆刪除
    回覆
    1. 真係好靚呢。
      我都祝羊羊新年快樂。

      刪除
  7. 呢度真係好有 feel 喔!
    祝福唔怕多,再一次同你哋講聲新年快樂!健健康康,開開心心!

    回覆刪除
    回覆
    1. 呢度要夾時間先有得影,所以你想睇就要聖誕前過嚟呢。
      講得啱........祝福唔怕多,我都祝你2015年工作順利,身體健康,生活愉快。

      刪除
  8. Oh no...how's your mummy's hands now? get better? Please send my regards to her baby~
    Never know HK got this nice place to see red leaf before...atmosphere same as KYOTO indeed!

    回覆刪除
    回覆
    1. 首先同靚姐姐講聲"新年快樂"
      媽媽已經好返好多 , 食埋聽日啲藥就唔駛再食呢 , 謝謝靚姐姐關心~!!
      大棠呢個地方已經成為睇紅葉嘅景點 , 真係好似去咗外國咁 , 好正呢~!!

      刪除
  9. 本地d紅葉風景好靚呀, 唔洗去外國影喇! 圓咕碌爬上樹驚唔驚呀? 媽媽小心保護隻手喎, d粗重嘢比爸爸攪掂算喇! (^0^)

    回覆刪除
    回覆
    1. Grey ee ,新年快樂呀。
      香港唔只得一個地方可以睇紅葉,真係唔駛去外國呢。
      其實棵樹唔高架,媽媽响後面抱住我,所以我一啲都唔驚呢。
      傷咗隻手嗰幾日,比哂啲嘢咕碌爸做,好返又係媽媽做呢,卡卡。

      刪除
  10. 嘩, 假期去一定好多人 =.=" 又係好大力的baba 出場舉小朋友啦 wakakaaaa

    回覆刪除
    回覆
    1. 嗰日唔算多人喇 , 可能之前一日落過雨 , 所以影得算舒服呢~!!
      無錯...........wakakaaaa

      刪除