8月24日星期日
好耐無同大家見面喇................. , 有無掛住我呢 ? 因為天氣實在太熱 , 呢排改咗夜晚九點幾先出街蒲 , 通常都係响屋企附近散散步 , 夜媽媽所以無影到相 , 就係咁...............少咗見大家呢~!!
今日好開心................可以黃昏出街街 , 媽媽揀咗同我去元朗狗公園玩 , 貪嗰度有樹蔭 , 我會玩得舒服啲 , 當然唔少得冰水噴身呢~!!
坐响度等爸爸泊好架車車先.....................
落埋樓梯就到狗公園喇
一場嚟到 , 等我表演一吓跨欄運動
1,2,3 跳
完全無難度
安全落地
玩咗咁耐.................飲啖冰水 , 坐一陣先
好耐無做 model 比爸爸影呢
玩咗一個鐘頭 , 係時候返屋企 lu
我今日玩得好開心 , 希望快啲無咁熱 , 咁我就唔駛黃昏先出得街街呢~!!
謝謝大家收看
碌碌, 條領巾夠唔夠cool 呀! 天氣咁熱真係邊到都唔想去呀! 叫媽咪同你去多啲游水水啦! (*3*) (*3*)
回覆刪除條collar 好cool 架，媽媽幫我雪過..........所以涼浸浸呢。
刪除媽媽呢排好多嘢搞，無時間同我去游水水，等我反映一吓先。
圓咕碌，姨姨好掛住你
回覆刪除ee , 我都好掛住你呢。
刪除碌BB的毛毛長得好快嘅！狗公園有跨欄玩咁好呀！慢鏡頭跳落地好得意呢！
回覆刪除有冇見到朋友仔呀？
係呀.........未夠兩個月就變咗長毛碌，係時候去扮靚靚呢。
刪除有見到朋友仔，打完招呼佢唔同我玩呢。
如果一年唔剪毛，唔知會長成點呢？嘻嘻！
刪除咪好似把地拖咁囉，卡卡。
刪除無見一排，圓咕碌依舊精靈^^ 天氣熱，記得飲多D水同等無咁猛太陽先出去呀~~
回覆刪除知道喇........謝謝艾華斯關心呢。
刪除hea住遊狗公園仲舒服呀！
回覆刪除咁又係呀，舒服好多呢。
刪除Dear圓咕碌, 呢排I also夜晚九點幾先出街be the Running Woman, 通常都係响屋企附近^^
回覆刪除Wakakaaa.........比靚姐姐笑屎我呢。
刪除咕碌仔個面仔圓咗喎, 係未肥咗呢? btw, 食品節個日咕碌爸媽有冇去灣仔呀? 我搭車經過見到有兩個人好似你地呀. ^_^
回覆刪除我真係肥咗少少，Grey ee 真係好眼厲呀...........唔只呢樣...........連爸媽你都認到，比十個叻你呢，卡卡。
刪除haha, 個日架車經過灣仔海旁, 我見到一個男仕好面善, 但女仕就背住我, 諗左半日先記得好似咕碌仔爸爸, 果然冇錯! 可惜見唔到咕碌仔呢.....^_^
刪除海旁又唔似喎，嗰日我哋五點半响灣仔警署嘅巴士站等車，仲以為你响巴士站見到我哋，可能我搞錯咗呢，卡卡。
刪除講錯咗, 係巴士站呀! 咁就真係佢地喇....^_^
刪除原來真係我爸爸媽媽，哈哈........証明你同爸媽有緣呢。
刪除咕碌仔, 你真係乖, 天氣熱真係飲多d 水水, 以防中暑呢
回覆刪除知道喇，謝謝月ee 關心呢。
刪除今年天氣特別熱, 晚上出動都流汗啊, 過完中秋好快就可以中午出動了 yeah ~
回覆刪除咁熱天氣出外要多飲水啊 ^^
係啦.........今年真係熱耐咗，謝謝ee關心，媽媽每次同我出街都會準備好冰水比我飲同噴身呢。
刪除