廣告

2014年3月12日 星期三

Blog 友自遠方來


3月5日星期三

我同媽媽今日真係好榮幸 , 有機會見到從馬來西亞遠道而嚟嘅一位 blog 友 , 响網絡認識咗幾年 , 今日終於有機會見面 , 當然要一盡地主之誼呢~!! 



媽媽一早安排好哂全日嘅行程 , 首站係去"盛記"食雲吞麵




沙田區最老嘅麵家,由潮陽人"張盛"創立,開業超過五十年






歡迎我個 blog 友 Joyce 姐姐






呢度好多擺設都係人哋唔要 , 拎嚟送比老細做裝飾






環保得嚟又變成呢度嘅特式之一






媽媽介紹 Joyce 比老闆 B 哥認識 , 仲叫 B 哥幫手揸機影番張合照留念 , B 哥影得唔錯呢~!! 






掛住食唔記得咗影食物相 , 呢度出名係雲吞麵同牛腩 , 手打魚蛋好彈牙 , 真係好好味~!!                       





午市時間多人到要等位






呢度都有露天位供應 , 下次我都可以嚟食嘢 lu~!! 






周圍都見到盛記招牌






媽媽小時候都係住呢款公屋 , 好懷念






盛記係一間良心企業 , 佢哋每個月定咗一日 , 送出150碗雲吞麵比老人家食 , 真係好有善心~!! 






周圍都佈滿特式擺設






哈哈..............影到停唔到手~!! 






過咗午飯時間 , 少咗人流可以影得盡情啲






响呢度深深感受到街坊鄰里嗰份情懷






坐响出面幫 Joyce 姐姐影吓相






跟住輪到媽媽留倩影






意外收獲係................老闆 B 哥請我哋食超大粒嘅士多啤梨






謝謝咁熱情款待我哋嘅 B 哥 , 下次見..................!! 






                                   食飽飽向第二站出發..................道風山 , 我哋沿道風山路開始行





道風山基督教叢林係由挪威籍宣教士艾香德牧師(Dr. Karl Ludvig Reichelt)創辦。他於1904年抵達中國湖南省傳道。與此同時,他對中國的宗教興趣日濃,並燃起專向佛教徒傳道的異象。他終於在1922年在南京創立「景風山」,招待佛教及道教徒學道。後因戰事的緣故,艾香德牧師於1930年把工作遷移香港,在沙田創辦「道風山基督教叢林」,並邀得丹麥著名建築師艾術華(Johannes Prip-Moller) 設計龐大的中國式建築群。






Joyce 姐姐嚟香港呢幾日 , 遇上落雨 , 取消哂原定 plan 好嘅行山行程 , 好彩今日天公造美 , 媽媽呢位導遊就帶姐姐去行道風山 , 姐姐當然開心呢~!! 






松樹開始結果





呢隻狗係住响呢度 , 出嚟散散步 , 超興奮~!! 






估唔到响呢度比媽媽見到唔知係櫻花定桃花?






得一棵樹咋 , 真係開得好美呢~!! 





呢度真係好中國式建築  , 一啲都唔似基督教






Joyce 姐姐影緊道風山銅鐘






影完瞓响張櫈上面休息






道風山基督教叢林有近八十年歷史 , 屬二級歷史建築物 , Joyce 姐姐一定覺得聖殿好靚 , 所以睇到唔捨得走~!! 





Joyce 姐姐幫媽媽揸機影飛相 , 成功咗呢~!! 






輪到姐姐跳喇 , 睇吓佢哋玩得幾開心~!! 






參觀完呢度 , 我哋沿呢個牌上十字架






沿途有開得好靚嘅炮仗花






我哋就係沿呢條小徑行~!! 






到達感恩亭






再行入呢度






就見到好大個十字架 , 刻上"成了" 兩個字





媽媽好鐘意偷影姐姐~!! 





行返出嚟有間店買手工藝品






呢啲碟全部人手畫上去






呢幅磚牆係畫返道風山所有景色出嚟





沿千大風道行入去




見到有間學院







咁啱呢隻貓咪行過 , 媽媽又影吓佢






仲有開得好燦爛嘅花花






學院外貌真係好有特式






到處都開滿呢種花






當然唔少得十字架擺設






學院可以參觀 , 不過要預約






媽媽同姐姐好大膽 , 無預約就咁行入去參觀






遇見好多外國人




參觀完..............決定行番落山 , 跟住 high 個 tea , 姐姐好鐘意飲香港地道式奶茶 , 所以去咗茶餐廳食 tea~!! 


                                       食飽飽又向第三個景點出發 , 就係 Snoopy World 


由呢個門口入去





周圍影吓相








又排隊坐船仔






扣好安全帶出發喇..............






好快就兜完一個圈






响呢度媽媽同姐姐都變咗大細路








真係影得好開心










行返出嚟門口又影吓相






街燈好有特式






姐姐扮 Snoopy 咁企 , 又扮得幾似喎~!! 






終於輪到我呢個親善大使夜晚出場喇 , 可以陪 Joyce 姐姐一齊打邊爐 , 開心 ing ~!! 



 



臨走同姐姐影番張合照留念






謝謝 Joyce 姐姐送咗咁多禮物比我哋



希望姐姐滿意今日咁充實嘅行程 , 仲有咁殷勤嘅導遊媽媽 , 當然唔少得我呢個咁可愛嘅親善大使 , 下次返嚟香港記得揾我哋去玩呀 , 再帶你去吃喝玩樂 , 期等下次見面呢~!! 







38 則留言:

  1. 點解之前去道風山都唔帶埋圓咕碌去﹖Joyce姐姐一定好滿意今次o既行程

    回覆刪除
    回覆
    1. 咕碌:我上次有去道風山呀,仲同另一個姐姐上去架。
      姐姐話好滿意呢,卡卡。

      刪除
  2. 碌碌媽媽安排得好細心, 仲要壓軸部分....碌碌親善大使陪住食晚飯,Joyce 姐姐一定好難忘哩個旅程哩 ^_^

    回覆刪除
    回覆
    1. 媽媽一知道姐姐嚟香港,就不停揾資料,希望揾個行程唔好悶親姐姐呢。
      我呢個親善大使做得好稱職,包姐姐一定滿意。

      刪除
  3. 有朋自遠方來,不亦樂乎^^ 咕碌媽招呼週到,JOYCE姐姐一定好開心同滿意~~

    回覆刪除
    回覆
    1. 媽媽好開心响 blog 界識咗咁多好朋友,雖然有啲從未見過面,但係都能夠成為朋友,緣份真係好奇妙呢。

      刪除
  4. 節目好豐富, 碌碌媽安排得好好呀!

    回覆刪除
    回覆
    1. 媽媽呢排真係好忙,不過忙得好開心,今晚又執星期日嘅相喇,好快有得睇呢,卡卡。

      刪除
  5. Hello Hello~ 好開心見到圓咕碌一家吖!
    好多謝咕碌媽精心安排嘅行程!
    有得食,有得玩,仲有得行山消脂+睇靚景,對是日行程簡直係满意到爆吖~
    期待下次我哋再見 <3


    回覆刪除
    回覆
    1. 我都好開心見到你呀,第一次見面........一啲都唔覺得陌生,好似識咗好耐嘅朋友一樣,有講有笑,謝謝你比咗一個咁難忘嘅回憶比我,期待下次再聚。

      刪除
    2. 嗚嗚嗚...下次約埋我得唔得呀!!我都好想識咕碌媽......嘿嘿

      刪除
    3. 一定一定!希望好快又可以番過去同大家團聚 <3

      刪除
    4. 殷師奶,下次約埋你吖,我都好想同你見吓面,交流一吓肉肉經呢,卡卡。

      刪除
    5. Joyce, 好呀好呀,期待呢。

      刪除
  6. 我都希望Joyce 姐姐來hk 不枉此行, 有個開開心心旅程 ~

    回覆刪除
    回覆
    1. 姐姐好鐘意香港呢個地方,佢叫我送光酥餅比佢食,要飲地道嘅奶茶,真係估佢唔到呢。

      刪除
  7. 圓咕碌壓軸登場!Joyce姐姐見到你一定超開心啦!blog友聚會真難得!

    回覆刪除
    回覆
    1. 哈哈........壓軸出場就知我份量幾咁重要,姐姐見到我真係超開心呢,能夠成為 blog 友已經係一種緣份。

      刪除
  8. 行程好豐富啊, 我住係香港咁耐有d地方都未去過添呀 hehehee

    回覆刪除
    回覆
    1. he...........hee...............我自己都覺得好豐富 , 有機會去多啲唔同地方行吓 , 我相信妹妹爸一定陪你去呢~!! XDDD

      刪除
  9. 碌碌不愧為狗界親善大使, 只要壓軸出一出埸就夠啦! 哈哈!

    回覆刪除
  10. 碌BB咁遲出場要瞓晏覺嗎?又有禮物收喎!BB你怕唔怕生保人o架?係唔係要玩熟左先俾人抱呢?

    回覆刪除
    回覆
    1. 都係 jane jane 最知我心,唔瞓晏覺唔得架,卡卡。
      我係親善大使,當然唔怕生保呢。

      刪除
  11. 咕碌媽媽和囝囝對外地blog友都咁好客同熱情, 係我地香港人嘅模範呢, 叻叻呀!! \(^0^)/

    回覆刪除
    回覆
    1. 哈哈...............Grey ee 太誇獎喇~!!

      刪除
  12. 相信joyce玩得好開心~~ 我都未去過道風山呢,真想去下~~

    回覆刪除
    回覆
    1. 去行吓吖..............包你話值得呢~!!

      刪除
  13. Wa~~~~I believe that Joyce 姐姐 fully satisfied with you guys leh ^^

    回覆刪除
    回覆
    1. 姐姐講咗.........佢都好滿意今次呢個行程呢。
      係呢靚姐姐,幾時到你呢?

      刪除
    2. Sigh...everytime I back to HK also want to hug you...but firstly the schedule so full, secondly I'll afraid it will be disturb you leh ^^

      刪除
    3. 一啲都唔打擾 , 因為我都想見吓靚姐姐呢~!!

      刪除
    4. Really^^ okey! Next time try my best to arrange!!!

      刪除
    5. 好呀..............期待呢~!! ^0^

      刪除
  14. 似係桃花, 似青衣公園果D @@ 靚啊
    不過 桃花 , 櫻花都似似地

    回覆刪除
    回覆
    1. 原本以為見到櫻花好開心,跟住睇完你青衣篇blog ,對比完覺得似桃花多啲,頓時好失望呢。

      刪除
  15. 食過盛記火鍋,你會覺得新廣發火鍋!!!!!!

    回覆刪除
    回覆
    1. 明白,盛記出名材料新鮮,所以價錢相對貴少少,新廣發任飲任食,食物相對無咁靚呢。

      刪除