廣告

2014年1月9日 星期四

我家需要正能量



1月5日星期日

踏入2014年第一件唔開心嘅事就係媽媽嗰契爺走咗 , 跟住輪到我又病咗 , 媽媽一方面要照顧我 , 令一方面又要搞契爺嘅事 , 心身疲累之下都病埋 , 所以呢排都未有時間去探訪各 blog 友們 , 希望大家見諒呢~!!


首先講番我個病 , 响星期六下午媽媽比咗一舊骨骨我咬之後 , 第二日朝早我嗰胃就有少少唔舒服 , 媽媽見病癥輕微 , 休息咗一個上午 , 下午先決定同我近近地去掃管笏行吓 , 一家人出嚟吸吓新鮮空氣 , 心情都開心啲呢~!!

  

                                 上到山有啲風 , 媽媽怕我冷親 , 所以同我著番件衫衫~!! 
  



                                                               行行吓撞到朋友仔





                                                               睇吓佢對我幾熱情





打完招呼...............跑吓草地先..................


 


 媽媽見我行得咁寫意 , 心情都開心啲~!!





企定定影番張沙龍相





呢度風景真係一流





同媽媽响度偷得浮身半日閒 , 係咪好sweet 呢~!!





hea 到四點幾


 


 係時候回程lu


 


 全程都係沿引水道而行 , 話咁快就行番出大路攞車返屋企 lu~!!




返到屋企仲要比媽媽幫我沖涼涼 , 吹毛毛 , 瞓到半夜第二次胃痛發作 , 痛到嘔咗出嚟 , 到咗星期一朝早食完糧唔夠一個鐘又嘔番哂啲糧出嚟 , 媽媽見我咁嘅情況 , 即刻請假同我去睇醫生 , 經醫生詳細檢查完 , 証實我個胃好敏感 , 加上我緊張嘅性格 , 好容易胃痛發作 , 醫生開咗消炎藥同消化酵素加益生菌比我食 , 除咗消炎藥食一個禮拜之外 , 其他藥要食一個月................慘慘呢 , 醫生仲吩咐媽媽要介食零食 , 媽媽為咗我好都要忍心咁做呢~!!

至於契爺嘅事 , 尋晚爸媽去咗上香已經告一段落 , 契爺一路好走~!!

希望踏入農曆年 , 所有唔開心嘅事都遠離我哋 , 一家人身體健康 , 咁就好喇~!!!!!!!!!







48 則留言:

  1. 碌碌BB個張棟篤企大個仔咁喎!我俾d正能量你啦!你快d好返哂呀!媽媽都要保重身體呢!

    回覆刪除
    回覆
    1. 錫哂 jane jane 比正能量我同媽媽呢 , 我會快啲好番 , 因為我就嚟生日 , 媽媽訂咗個蛋糕比我~!!

      刪除
    2. 碌碌BB好返哂未呀!抱抱先!

      刪除
    3. 好番好多喇................有心呢 jane jane ~!! ^0^

      刪除
  2. 要食一個月藥,都市人有胃病,做吾到狗狗都有胃病,食嘢要小心呀﹗

    回覆刪除
    回覆
    1. 其實胃病有咗好幾年 , 不過今次嚴重咗..............嚇親媽媽呢~!!

      刪除
  3. 估唔到圓咕碌性格緊張@@ 爸爸、媽媽對你咁好,應該可以放鬆D生活呀~^^

    回覆刪除
    回覆
    1. 我由細到大都好細膽 , 特別响屋企會好緊張 , 媽媽用盡好多方法幫我都無用 , 搞到胃病時不時發作 , 每次發作都會好辛苦 , 媽媽依家唯有改變我嘅飲食習慣 , 少食難消化嘅食物 , 同埋少食多餐 , 希望有用呢~!!

      刪除
  4. 見圓咕碌個樣都好似悶悶地咁

    回覆刪除
    回覆
    1. 無辦法..............個胃有少少唔舒服呢~!!

      刪除
  5. 黑暗過後就會見到黎明, 每一次失意,障礙,都是考驗同磨練,生命中必定會遇到,積極去面對, 人狗都是充滿希望咖..碌碌呀, 你同爸媽仲有我地一班好朋友在身邊, 加油呀))))))))))))))))))))))))))

    回覆刪除
    回覆
    1. 謝謝ee嘅鼓勵 , 我哋會積極面對 , 有咁多朋友仔關心我哋 , 好感動呢~!!

      刪除
  6. 你地要好好保重呀~~唔好太操勞,多啲休息啦,唔好嚟探我地住啦,好番先再慢慢傾,我地一定等你地架^^

    回覆刪除
    回覆
    1. 好感動呀...............聽到艾華斯呢番說話 , 邊個話網絡世界無真朋友 , 我一直都相信有呢 , 謝謝你~!!

      刪除
  7. 碌碌媽,我願意將我剩餘無幾的正能量,全過檔給你,别擔心,一切會明天更好的。

    回覆刪除
    回覆
    1. 媽媽睇完你嘅文字 , 感動到流眼淚呢~!!
      我同媽媽都唔準你咁做 , 剰餘嘅你要好好善用 , 知道嗎?

      刪除
  8. 作者已經移除這則留言。

    回覆刪除
    回覆
    1. 放鬆心情, 正能量就自然會黎架喇~
      祝碌家 新年新景象, 身體健康, 事事順利!

      刪除
    2. 今日好番好多喇 , 謝謝丸丸嘅安慰~!!
      你嘅祝福全收到哂呢~!!

      刪除
  9. 圓咕碌要保重呵,相信有媽媽的愛心照顧,你一定己好返了

    回覆刪除
    回覆
    1. 謝謝毛之家嘅關心 , 食咗藥已好返好多呢~!!

      刪除
  10. 人大咗, 總係要面對一啲唔想去面對嘅事同物, 但時間總會令事件淡化! 因為辦法總比困難多!
    最總要係圓咕碌媽有圓咕碌爸及圓咕碌仔仔陪伴, 所以正能量會源源不絕! 加油呀!

    回覆刪除
    回覆
    1. 謝謝B姐姐安慰,媽媽全收到哂呢。希望新一年大家都身體健康呢。

      刪除
  11. 正能量源源不絶為你家送上! 加油!

    回覆刪除
  12. 所有唔開心都會隨著今年過去......ee祝願圓咕碌一家'馬年'一定會更好, 龍馬精神! :-)

    回覆刪除
    回覆
    1. 謝謝Grey ee ,今次真係要承你貴言呢。^0^

      刪除
  13. Oh...sad to hear that...R.I.P.
    &...send the best regards for your whole lovely family~Nothing is important than health!

    回覆刪除
    回覆
    1. 靚姐姐講得無錯,無嘢係重要得過健康,希望食哂啲藥嗰胃唔好再痛就好了,咁就唔駛媽媽擔心我呢。
      靚姐姐真有我哋心呢,錫哂你。

      刪除
  14. 一切會好起來的,加油呀!

    回覆刪除
  15. 黑暗後會有光明架啦^^加油啊^^

    回覆刪除
    回覆
    1. 知道,明白,明天會更好,謝謝珍妮姐姐。

      刪除
  16. 你地已經好乖, 隔住幾日就出post, ee 為左工作忙都野都唔識諗了, 累c了

    回覆刪除
    回覆
    1. 哈哈........幾日先更新對我哋嚟講算耐呢。
      月ee份工辛苦.........返到屋企要好好休息呢。

      刪除
  17. 只要你開心.....圓媽都會好開心

    回覆刪除
    回覆
    1. 都係殷師奶最明白媽媽呢,卡卡。

      刪除
  18. 圓咕碌 family 要加油呀!!
    媽媽要保重身體唔好太傷心,圓咕碌都要努力快D好返呀!!

    回覆刪除
    回覆
    1. 謝謝 Jim Jim 關心 , 我哋會加油呢~!!
      媽媽睇開咗已經無咩嘢事 , 我食咗啲藥都無再胃痛 , 唔駛擔心呢~!!

      刪除
  19. 圓咕碌仔要好好保重身體 :P 要介口哦, AND 要多D 為媽媽打氣 :P
    嘻嘻,雨後有晴天,加油 ^^ 好事自然來 :)

    回覆刪除
    回覆
    1. 我食咗藥已經好番好多喇 , 謝謝森里關心~!!
      收到哂森里嘅安慰 , 我都信雨後會見到晴天 , 謝謝你呀~!! ^0^

      刪除
    2. 不用客氣啊 ^___^ 就快新年,咕碌仔幾時有拜年相上啊 :D

      刪除
    3. 就快喇...............不過今日係我生日 , 上咗生日相先呢~!! ^0^

      刪除
    4. HAHA 咕碌咕碌, 金銀滿屋 :D Happy Happy Bday :D

      刪除
  20. 圓咕碌爸爸及媽媽你們好,

    我們已經開始轉載閣下的文章到SeeWide

    而某些文章亦有會員留言:
    http://www.seewide.com/space-article-id-35303.html
    http://www.seewide.com/space-article-id-35300.html

    如你希望回覆留言, 可發電郵到info@seewide.com以索取有關帳戶資訊

    再次感謝你讓我們轉載閣下的文章, 祝生活愉快, 健康常在! :)

    Thanks~

    回覆刪除