廣告

2014年1月24日 星期五

慈善步行 2014

 



1月19日星期日
 
 
之前因為生日 , 所以要將呢篇 blog 押後到今日先至出 , 希望大家唔好介意 , 講番嗰日..............要一早七點鐘起床 , 對於我呢個大少爺嚟講真係早咗少少 , 不過為咗做善事 , 我絕對經得起呢個考驗 , 我哋仲約埋"哈比"家一齊行呢~!!
 
 
嚟到會場...............哈比家未到 , 唯有介紹吓今次主辦單位比大家認識~!!



 沿途有清晰嘅指示牌教大家點去活動場地 ~!!



































原來今次嘅慈善步行 , 係行我最熟悉嘅迪士尼樂園 , 對我嚟講簡直 easy job ~!!

 
 

我哋就係由呢度起步 , 可惜"哈比"家遲到 , 全部人已經出發哂 lu , 剩低我哋一家人响度等 , 等到九點鐘工作人員叫我哋行 , 如果唔行就會無得行呢 , 唯有行住等................啦~!!
 
 
 

行到嚟樂園門口 , 我決定响度等哈比家 , 一家人行太悶喇 , 多啲人熱鬧啲呢~!!
 
 
 
 
好嘢..............終於等到"哈比"(藍色衫) , "卡卡"(粉紅橫間衫) , 仲有 "德德 "(灰色衫) 出現呢~!!
 
 
 
 
大家行到嚟鯨魚噴水池又影吓相先~!!
 
 
 
 

 行入啲就係呢個許願池
 
 
 


貓貓都嚟支持步行 , 不過佢舒服啲................全程响主人個背部上面坐 , 唔駛落地呢 , 睇唔出佢足足重我一倍咁多 ~!!
 
 
 
 
 今年大會搞搞新意思 , 揾兩個姐姐揸住呢個米奇大相框 , 比步行人仕影吓相 , 不過都幾多人排隊 , 一場嚟到唔影又唔得 , 影咗出嚟又幾得意呢~!!
 
 
 
 
 幾經辛苦終於都行咗一圈 , 嚟到終點站 , 睇吓我幾受啦啦隊姐姐歡迎~!!
 
 
 
 
 跟住去換領站換禮物袋~!!
 
 
 
 
 行到大家熱哂 , 係時候食番啲嘢補充吓體力~!!
 
 
 
 
 食咗少少零食 , 跟住嚟呢度排隊影吓相 , 坐上第一好威水~!!
 
 
 
 

 媽媽話 : 影埋印有你個名張証書先夠威水呢 , 卡卡~!!
 
 
 
 
 睇吓"哈比" "卡卡"同 "德德 " 都有上呢個台留倩影~!!
 
 
 
 
 最後行番出樂園影張大合照留念~!!
 
 

 
 
跟住一齊落元朗食 lunch , 媽媽比咗少少飯我食作為今次嘅獎勵 , 我哋食緊飯嘅時候 "哈比 "  , "卡卡 " 攰到瞓著咗 , 証明佢哋先至係大大少爺同大大少姐呢 , 卡卡 ~!! 返到屋企媽媽幫我洗白白吹毛毛 , 跟住同爸爸瞓番個靚覺 , 咁就過咗一個愉快嘅星期日~!!
 
 
 
 



34 則留言:

  1. 回覆
    1. 張大合照,個個都好乖喎!不過唔望鏡頭!

      刪除
    2. he.......hee.........第一次攞第一咋。
      唔望鏡頭係因為零食吸引咗大家嘅視線呢。
      下次叫媽媽影過比你睇吖。

      刪除
    3. 第二次啦!前幾篇就試過第一架喇!

      刪除
    4. jane jane 真係好記性,佩服佩服。

      刪除
  2. 好有意義.....支持你地呀!!!
    最後一張........好乖呀,4個都坐定定係度

    回覆刪除
    回覆
    1. 謝謝殷師奶支持。
      有零食响度........個個都肯坐定定呢。

      刪除
  3. 圓咕碌真係好受姐姐歡迎呢, 睇下d啦啦隊姐姐個笑容就知喇, 靚仔係特別多人錫lo....^0^

    回覆刪除
    回覆
    1. 啲姐姐太熱情.........我有少少驚,不過我都承認靚仔真係多人錫呢,卡卡。

      刪除
  4. 回覆
    1. 水太太心地好,我知你一定會支持。

      刪除
  5. 著晒衫去行Dog walk,全部都係狗Model

    回覆刪除
    回覆
    1. 哈哈..........因為朝早比較凍,唔著衫會冷親,不經意做埋model 添。

      刪除
  6. 貓都可以行, 犀利~

    回覆刪除
    回覆
    1. 係呀,佢嗰兩個主人..........每人抱一隻貓行足全程,真係好有善心呢。

      刪除
    2. 我仲以為貓地自己跟主人行tim, 個主人真係幾有心, 因為抱住隻貓同抱住個b都無咩分別

      刪除
    3. 咪係囉...............真係好佩服佢哋個主人呢~!!

      刪除
  7. 哈哈! 第一張相, 碌碌好似未瞓醒咁, 但一開步又醒晒! 好專業呢! ( ^_<)! Y(^0^)Y

    回覆刪除
    回覆
    1. 咁早起身........加上比太陽曬住,個樣咪好似未瞓醒呢,卡卡。

      刪除
  8. Oh all of you also very PRO...never move to let Daddy Mummy take all the snap at this meaningful program ^^

    回覆刪除
    回覆
    1. 靚姐姐,我哋真係好 Pro 架,卡卡。

      刪除
  9. 圓咕碌你行完全程好叻叻,抵你攞個第一名呀。

    回覆刪除
    回覆
    1. 第一係其次,最重要係有棵善心呢。

      刪除
  10. 隻肥貓唔知係咪加菲貓的表親,個表情一樣咁串和懶.....都唔行.

    回覆刪除
    回覆
    1. 佢個樣真係幾串架 , 尤其叫佢影相 , 佢唔係唔想落地行 , 只不過係佢個主人唔放心 , 因為有太多大狗响度行 , 怕有危險呢~!!

      刪除
  11. 圓咕碌同 d 朋友仔都好有愛心吖!錫錫+贊!

    回覆刪除
    回覆
    1. 係呀.............我哋愛心爆棚 , 加上一年一度緊係要支持吓啦~!!

      刪除
  12. 哈比,卡卡,德德,係米懶惰豬, 唔願起身搞到遲到哩, 碌碌好叻仔,身體力行 ...

    回覆刪除
    回覆
    1. 佢哋不嬲都無咁早起身 , 當然唔慣啦 , 所以咪遲到囉~!!

      刪除
  13. 恭喜圓咕碌拎第一~~~~~^^ 原來有狗狗慈善步行,我宜家先知@v@(最得意係,貓仔都出門支持你地,哈哈~)

    回覆刪除
    回覆
    1. 哈哈................我扮吓第一咋 , 其實當日個個都咁有善心 , 個個都攞第一呢~!!
      原來豆丁未聽過有狗狗慈善步行 , 好嘢...............我又令到豆丁識多樣嘢呢 , 卡卡~!!

      刪除
  14. 太可愛了!連貓都有份~哈哈

    回覆刪除
    回覆
    1. 謝謝第一次探訪 , 仲讚我可愛 , 開心屎我呢~!!

      刪除