由Yahoo Blog 搬過嚟(累積瀏覽 558)
6月16日星期日
今日係父親節 , 好多謝爸爸响我bb 仔兩個月嘅時候睇中咗我 , 然後接咗我返屋企 , 給我一個五星級溫暖的家~!!
出咗名孝順嘅我 , 一早book 定呢度同爸爸食 brunch 慶祝父親節~!!
呢度啲豬扒好好味 , 檸檬茶仲好好飲添~!! 
出咗門口...............去到停車場攞車就落起大雨來 , 好彩嚟到深井停咗雨咋 , 心情即時happy 哂~!!
大雨過後..............一片藍天白雲 , 咁靚嘅景色 , 當然要同爸爸一齊欣賞欣賞~!!
食飽過後...............我哋仲去咗田夫仔行山~!!
同爸爸孖住一齊行水塘~!!
估唔到太陽伯伯都出嚟同我哋say hi ~!!
行行吓...............比媽媽發現呢隻大蝴蝶响度飲緊水~!!
媽媽又點會錯過呢個機會 , 每行近一次蝴蝶就會飛走 , 好好彩都比媽媽近距離影到呢兩張相~!!
話咁快就行到嚟呢度 , 每次行都係咁好風 , 超舒服呢~!!
沿途見到好多小菊花開得好燦爛~!!
影完呢張相又落起雨來~!! 
唯有回程行返出嚟水塘 , 今次我哋好醒目記得帶雨傘 , 大家見唔見落緊雨呢?
冒住雨影張水塘相~!!
可以同爸媽風雨同路................呢個父親節真係好難忘~!!
行咗一個鐘................攞車返屋企lu~!!
吹完毛毛...............係時候送份禮物比爸爸喇~!!
爸爸鐘意砌 lego , 我揀咗世界最小級嘅比佢砌 , 挑戰佢嘅難度~!!
唔駛半個鐘...............爸爸就完成咗喇~!!
屋企又添咗呢位新成員~!!!!!!!!
大家都係toy poodle , 點解你細隻過我咁多架~!!
影完相...............爸媽要去爺爺度慶祝父親節 , 我就响屋企瞓覺豬 ,
祝願所有父親...............父親節快樂呀~!!!!!!!!! 
沒有留言:
張貼留言