清快塘行山

10月2日星期日


今日咕碌家又去行山喇 , 揀咗四點鐘出發 , 貪無咁熱 ,  點知今日一滴風都無 , 全家人都行到全身濕哂 , 唔講咁多..............去相~!!

四點鐘開始行................唔曬仲有藍天白雲睇

首先會行一條好長嘅斜路 , 媽媽行快啲啦 , 等你呀)))))))) 

行咗一半路程...............呢度有少少風 , 坐低休息一吓

呢度望到屯門公路同汀九橋

話咁快就嚟到生態園 , 入去睇吓先...................

嘩.....................好多蝴蝶呀))))))))))) 

可以咁近距離影蝴蝶 , 爸爸超開心呢~!! 

呢度有片草地比我跑 , 跑到好熱添 , 好彩媽媽有凍水比我飲同噴身呢~!! 

玩完開始天黑 , 回程 lu 

見到我呢個笑容 , 就知我好滿足呢~!! 

影埋呢張相.................要落山 lu ~!! 

同媽媽行孖咇 , sweet 到爆

行到去攞車 , 已經五點幾 , 今日同爸爸一齊跑山...................超開心 ~!! 爸爸仲讚我精力充沛 , 下次再跑過 , 咁就過咗一個愉快嘅家庭日 , 謝謝收看 ~!! 

千島湖之美

9月25日星期日



天氣開始無咁熱 , 四點鐘由屋企出發同爸媽去有千島湖之稱嘅掃管笏行山 , 呢度近我哋 , 所以今年都嚟咗好多次呢~!!

泊好車................精精神神起行喇 ~!! 

其實香港真係有好多地方都好靚架

同媽媽坐低欣賞吓千島湖美景

沿途又影吓相相

好大隻蜘蛛呀)))))))))) 

行到堤壩 , 媽媽同我好享受大自然呢~!! 

行咗個幾鐘....................回程 lu 

今日個咸蛋黃又圓又大 , 好美呢~!!!!!!!! 

快樂嘅時光過得特別快 , 開心的家庭日 , 下次見~!!!!!!!! 

追月夜

9月16日星期五



中秋節爸媽約咗朋友仔出大坑睇火龍 , 咁迫人.................當然無我份呢 , 不過佢哋答應我 , 第二日同我去街街補番數 , 今日係追月 , 咁大個仔都未去過睇花燈 , 我叫爸媽帶我去睇花燈 , 佢哋又肯喎 , 一家人出發 lu ~!!

呢度真係好熱鬧呀 , 兔仔花燈好可愛呢~!! 

媽媽同我影合照留念

全場就大嘅花燈 , 係咪好靚呢 ? 

今晚個月亮又大又圓 , 我都要同月亮影合照留念~!! 

猴子花燈都好可愛呢~!! 

睇完花燈...............爸媽仲比我去公園玩咗一陣先返屋企 , 今晚我玩得好開心呢~!! 

巧遇粉絲

9月11日星期日



今日天氣好好 , 爸爸媽媽帶我去秘密花園玩 , 唔講咁多...............去相~!!

見到我呢個甜美嘅笑容 , 就知我玩得好開心~!! 

雖然天氣有啲熱 , 好彩近海...............加上今日好大風  , 有相為証 , 吹到我耳仔啲毛飛起哂呢

 ~!!

呢度有好多樹蔭 , 加上媽媽不停比凍水我飲 , 所以我一啲都唔怕熱 ~!! 

坐响草地曬太陽都好爽~!! 

好開心响呢度撞到我嘅 fans , 佢一眼就認得我 , 仲過嚟同媽媽打招呼 , 原來佢以為我係 mini size , 估唔到我係 toy size 呢 , 哈哈............笑屎我 , 掛住傾計...............唔記得同 ee 影張合照留念添 , 有緣嘅話...............下次再影過 , 玩咗唔夠一個鐘頭 , 我哋就回家 , 今日玩得好開心 ~!! 

空歡喜一場

9月4日星期日



今日一早 plan 咗去屯門行山 , 點知空歡喜一場 , 揸車落到屯門落好大雨 , 明明我哋出門口嗰陣時仲陽光普照 , 點解去到屯門分別咁大架 ????????

吓 ? 點解會落雨架 ? 

真係好大雨~!!!!!!!

唯有折返.................返到嚟屋企附近幾好天 ? 

我哋去咗天 x 路公園跑草地

玩咗大半個鐘走人 lu 

睇吓我個樣幾滿足 , 有得出街我就最 happy 呢~!! 

爸爸擺烏龍

8月28日星期日



今日朝早落咗一場大雨 , 我仲以為無得去街街 , 好彩天公造美 , 下午停咗雨不特止 , 地下仲開始乾返 , 爸媽決定同我响屋企附近行吓 , 有街街去...............我緊係開心啦~!!

落完雨...............空氣都清新啲

不過都幾熱吓

爸爸好有心帶咗部大機落嚟同我影沙龍相 , 點知無插咭 , 真大頭蝦呢~!! 

唯有用手機影相比大家睇

行咗一個鐘 , 回程 lu 

所以今日無靚相比大家睇 , 多多包涵呢~!! 

中秋節快樂

9月15日星期四

今日係一年一度嘅中秋節 , 响度祝大家中秋節快樂 , 人月兩團圓~!!!!!!! 

今年我好開心呀 , 媽媽親自整蕃薯駝鳥肉月餅比我食 , 仲好好味呢~!! 

媽媽仲走去學整奶黃兔仔月餅 , 外脆內軟 , 好評如潮 , 比個製成品大家睇吓啦~!! 

仲有今年去果欄買咗好多生果 , 有香印青堤 , 青森縣蘋果 , 馬來西亞紅肉火龍果 , 仲有日本白桃 , 有咁多生果過中秋 , 賞月一定特別開心呢~!! 

係咪好正呢 ? 祝大家過一個開心又甜蜜的中秋節