8月6日星期日
好耐無同大家見面喇 , 有無掛住我呢 ? 事原..............媽媽部電腦壞壞地 , 整好咗以為用得啦 , 點知我同媽媽又唔記得咗Google 嘅 login 同 password , 最慘係媽媽換埋部手機 , 最後防線都無埋 , 結果媽媽不斷去尋找記憶 , 今日終於記得返 , 可以見返大家真係好感恩 , 我其實都好掛住大家 , 我會慢慢出返哂啲 blog , 一有時間就會去探大家~!!
今日爸媽攞咗假...............話帶我去睇日落 , 原來係去"下白泥"欣賞最美嘅日落 , 好期待 , 因為咁大個仔都係第一次去 , 我哋四點左右出發 , 泊好車.............媽媽揾個路邊比我去咗廁所先 , 然後等爸爸換好防水鞋 , 抱住我就行去下白泥 , 唔講咁多..............即刻去相~!!
呢度環境真係好靚呀 , 估唔到咁大風 , 企响度吹風真係好舒服~!!
hehee..............同媽媽影張合照留念先
媽媽話: 唔好搶我鏡 , 寧願做影后
兩母子一齊欣賞日落美景 , 係咪好 sweet ?
大家知唔知呢張相...................我哋响度仲咩? 其實係想影個倒影呢~!!
媽媽唔係買緊洗頭水廣告 , 佢想影張跳躍嘅相
成功咗呢 , 係咪好厲害 ?
終於等到黃昏.................可惜比啲雲遮蓋咗個咸蛋黃 , 無得睇呢~!!
好彩都有靚靚嘅彩霞補返數
呢張相.................我同媽媽都好鐘意~!!
美景盡在眼前
下年一定要再嚟睇日落 , 謝謝大家收看~!!
終於都去咗下白泥呢!
回覆刪除係呀,平日去可以泊到車,方便好多呢。😉
刪除日落+潮退好靚呀.......
回覆刪除不過好多位潛在危險,所以我都唔敢四圍走。😬
刪除啲相影得好靚呀,我年紀大,所以所有要用password 既我都會用簿mark 晒
回覆刪除媽媽依家都寫低哂呢~!!
刪除呢度都幾危險架!試過比泥吸實我雙腳,要人家拉我上返尼囉!
回覆刪除BB要小心啊!
JaneJane 請放心,爸爸媽媽試踩完,我先會行,加上見到好多人都比泥吸住,我哋企响呢個安全位置影相就算喇,我好乖無周圍走呢。😉
刪除聖誕快樂 ! 🎄
刪除謝謝 JaneJane 。😘
刪除新年快樂!身體健康!😊
刪除謝謝,新年快樂🎊
刪除萬事勝意!身體健康 ! 恭喜發財 !
刪除我仲未去過下白泥。
回覆刪除我都記底晒password. 仲有無咗電話無password 仲煩!
揾日去行吓吖,環境真係唔錯架。😉
刪除小月講得啱,無 password 都好煩呢。。
Welcome back!一返來就有靚相睇!正!
回覆刪除哈哈........你响 FB 都睇到呢。。😉
刪除我上次係由屯門行到去下白泥! 雖然都睇到日落, 但行咗差不多六個鐘, 行到我CC下!
回覆刪除由屯門行到下白泥?6個鐘咁耐?我一定行唔到呢。😂😂😂
刪除祝圓咕碌一家:聖誕快樂!
回覆刪除謝謝,呢排好忙無時間寫blog ,希望你嚟探我呢。😉
刪除好掛住圓咕碌呀,近排生活如何呢?
回覆刪除
回覆刪除祝:聖誕快樂!
祝:聖誕快樂!
回覆刪除