由Yahoo Blog 搬過嚟(累積瀏覽 454)
9月28日星期三
今日一早有位 ee send sms 話比媽媽知..............我上咗報紙 , 媽媽同我嘅反應都好驚訝 , ee 仲話咗比我哋知係邊份報紙?? 
媽媽決定了解一吓發生緊咩嘢事?? 
就係呢份生果日報 , ee 話一定係比人偷相啦~!!!!!!!!! 
明明呢單新聞唔關我事 , 點解會有我張相呢?? 大家見唔見到我呀?? 响右下角同隻茶杯 poodle 一齊合照呢~!! 
呢張相我記得係2009年我個生日party 影架~!!!!!!!!! 
爸爸第一時間睇咗份報紙 , 仲話比媽媽知.................原來係 Celia ee 負責提供相片~!! 
跟住媽媽响 FB 見到 Celia ee 嘅留言 , 內容大致係講佢接受咗記者嘅電話訪問 , 啲相係記者响佢個 yahoo blog 度揀嘅..............., 跟住媽媽再留言話..............仲以為啲相係你比記者添~!! 
點知 Celia ee 又再留言話比媽媽知 , 比咗十張相嗰記者揀 , 記者只係揀咗一張相登响網上 , 唔知仲有無其他相~?? 搞到媽媽依家都唔知係個記者揀定係 ee 揀 , anyway ..............我只係想講比大家知...............我唔係响 Celia ee 度出品架~!! 
大家千祁唔好搞錯呢~!!!!!!!!!!!! 呢單新聞我有少少同情嗰女事主比人呃 , 但另一方面唔鐘意佢打算將隻狗 bb 送比人 , 真替隻狗 bb 可憐呢~!!!!!!!!!! 
爸爸放工返嚟拎咗另一份免費報紙比媽媽睇 , 入面都有講呢單新聞 , 又登咗我另一張相出嚟 , 第一次上港聞版 , 感覺好怪怪 , 通常登响港聞版一定無好嘢 , 好彩今次唔係大單嘢咋~!!
我比較鐘意上娛樂版 , 因為同啲明星一齊做 show , 感覺開心好多呢~!! 
由Yahoo Blog 搬過嚟(累積瀏覽 374)
9月25日星期日
今日約咗 Mui Be family 去行山 , 點知天公不造美 , 一早起身已經落緊雨 , 媽媽唯有叫叔叔 check 吓天文台 , 睇吓邊區無落雨.............就改去嗰區玩~!! 原本改咗過香港區行, 但係 ee 收到小寶媽嗰電話, 話香港區開始落雨叫我哋唔好過去 , 咁啱我哋呢邊已經無落雨 , 於是決定照原定計劃返粉嶺行 , 點知揸車入到上水............啲雨越落越大 , 唯有取消所有行程 , ee 見我咁失望................於是叫爸爸媽媽嚟佢屋企坐吓 , 就係咁..............我哋成家人响ee 屋企 hea 咗成個幾鐘 , 見停咗雨啲大人決定去洪水橋食 lunch , 估唔到食完 lunch 停哂雨 , 媽媽就叫埋 Mui Be family 嚟我哋屋企附近行吓喇~!!!!!!!!!! 
呢度就係陪住我成長嘅地方~!!
BeBe 話我無介紹錯呢~!! 
難得兩個學生入到嚟..............點少得呢張大合照~!!!!!!!!!!
行行吓見到呢隻可愛嘅貓貓
爸爸忍唔住影佢 , 點知佢就先發制人................不停鬧爸爸呢~!! 
唔知大家有無發覺 , BeBe 同我出親街都笑哂口~!!
原因係...............我叫 ee 同叔叔比佢自由行 , 所以佢咪咁開心囉~!! 
玩咗成個鐘開始又落雨...............於是回程行番去停車場攞車~!! 
點知行到一半又停咗雨喎 , 啲大人話比我哋沿住學校行多一陣 , 估唔到依家啲學校門口真係靚~!! 
Mui Mui 都話想讀呢間學校呢~!!
行多一陣又再落雨 , 大家都行到夠哂皮 , 於是決定返停車場攞車 , 然後各自回家呢~!! 
今日好多謝媽媽嘅堅持 , ee 嘅配合 , 我哋先會有街街去 , 仲玩得咁開心呢~!!
由Yahoo Blog 搬過嚟(累積瀏覽 682)
9月18日星期日
今日天氣真係又熱又曬 , 媽媽話不如同我去游水 , 橫掂今日都要沖涼, 但係我唔想游水..............爸爸就話唔勉強我 , 改遲少少先同我去街街 ~!!
未有街去唯有响張床度 hea 住先~!!
發吓白日夢...................
周公急 call 添~!!!!!!!!!! 
瞓醒咗.................走去電腦房問媽媽.....................點解仲未有得去街街架~??
等到六點鐘先出發去南生圍 , 嚟到啲人開始走 , 所以我跑得好 free 呢~!!!!!!!!!
跑咗一陣..............坐定定做吓 model 先.................!!
太陽開始落山 lu ~!!
黃昏真係好美))))))))))
話咁快就黑哂喇................第一次响渡頭影夜景相~!!
哈哈..................估唔到响呢度都比我遇到個靚女 , 佢叫榛榛 , 得一歲半 , 仲好怕羞呢~!! 
佢擁有深紅色膚色 , 佢媽咪問我媽媽...............我係咪 creamy 色 , 我都係第一次比人話我係 creamy 色咋 , 真係好好笑~!!!!!!!!! 同個靚女玩咗一陣..............佢要走 lu ~!! 
我有啲唔捨得添~!! 入黑行南生圍真係好多蚊架 , 好彩爸爸媽媽一早噴哂蚊怕水 , 所以避過比蚊咬 , 我哋玩到七點鐘開車返屋企 , 媽媽即刻同我沖涼涼 , 沖完涼就交比爸爸幫我吹毛同梳毛 , 佢就走咗入廚房煮雞柳比我食 , 等我食飽飽佢哋先落街食dinner , 而我就好滿足咁响屋企瞓覺豬呢~!!
