4月13日星期日
今日天氣都幾熱吓 , 所以爸媽揀咗一條好舒服嘅行山路比我行 , 有幾舒服 ? 大家跟我嚟就知呢~!!
二點半到達 , 天朗氣清出發喇~!!
呢段路好行在大部份都係樹蔭路
頭段要行斜路 , 好彩我同媽媽都唔覺得辛苦
打吓咭先................
見到呢條少路 , 八掛行上嚟睇吓 , 原來比人坐得休息嘅地方~!!
唔知大家見唔見到我呢 ?
企高啲吹住風風做 model
做完 model 坐低休息吓(睇吓我個樣幾滿足)
我同爸爸有幾合拍 ? 睇呢張相就一清二楚呢~!!
响呢度可以遠望青馬大橋
沿途都好好風 , 哈哈.................吹到我頭髮亂了
同媽媽坐低欣賞咁靚嘅風景
我呢個 pose 型唔型呀 ?
話咁快行到嚟蝴蝶園
好好彩比我睇到有幾隻蝴蝶
唔知大家仲記唔記得 , 上次行到嚟呢度................因為落雨所以回程
今次我哋繼續向前行 , 比我見到個咁靚嘅草地
當然要入去跑跑呢~!!
跑完舒服哂
話咁快我哋行咗二個幾鐘
係時候回程呢
快樂就係咁簡單
咁就渡過咗一個愉快嘅週日 , 謝謝收看~!!
每都出街玩都咁開心,跑步相好得意,隻耳仔飛起))))
回覆刪除哈哈........復活節扮吓兔仔跑，應節嫲。
刪除咁多樹蔭又近我地都幾好喎, 你地係邊個位起步架 ?
回覆刪除我哋响深井清龍頭起步架，呢度真係好好行，全程樹蔭，唔怕中暑呢。
刪除這幾天假期天氣吾錯，出去行山可以舒展活力，不過都幾熱,小心中暑﹗
回覆刪除放心吖.........羊羊，媽媽咁緊張我，佢除咗嚴揀地方之外，仲帶埋冰水同風扇比我用，所以無有怕呢，謝謝羊羊關心。
刪除I can see your smile leh baby~And find your Daddy Mummy wear couple T-Shirt~So sweet ^^
回覆刪除靚姐姐，發自內心嘅笑容原來真係咁有感染力嘅，哈哈。
刪除爸媽咁啱一齊著灰色衫，咁都比靚姐姐發現到，笑屎我同媽媽呢。
碌碌, 你就嚟唔洗上山, 要下海啦! 好快就要轉戰大海, 又係你嘅至愛呢!
回覆刪除講得無錯，再熱啲........我就會開班教游水，揾吓外快錢呢，卡卡。
刪除同爸爸影嗰張好有feel呢，遲啲天氣熱就無得去遠足了
回覆刪除係呀，遲啲要改去游水呢。
刪除行山，正呀^^ 啲相好靚
回覆刪除我好鐘意郊遊架，謝謝小吉讚我啲相靚呢。
刪除見咕碌仔玩得甘開心，我都想玩埋一份吖！
回覆刪除Joyce 姐姐，睇相當玩咗呢，卡卡。
刪除又見到碌BB真係好開心！爬上樹高唔高o架？跑呀！行呀！坐呀都咁鬼萌呀！呢度有冇遇見其他狗仔女呢？好似都幾靜喎！
回覆刪除唔駛爬架...............棵樹响地下嚟 , 我只要企响度影就得呢~!!
刪除janejane 咁講................我信心大增 , 嗰日無撞到其他朋友仔 , 有啲失望呢~!!
好可愛呀！圓咕碌好犀利呀pose多多！
回覆刪除he............hee................聽到孖G妹咁講.................今晚實瞓唔著呢~!!
刪除我放假都有同朋友去行山呀~~好中意圓咕碌同媽媽影個幅，感覺好溫馨^^
回覆刪除原來艾華斯都有去行山 , 真係橋呢 , 卡卡~!!
刪除好開心你感受到我同媽媽嗰份sweet , 又真係幾溫馨呢~!!
次次見到你跑到飛O個下都感覺好型
回覆刪除原來月ee 鐘意睇我跑 , 我會叫爸媽影多啲比你睇呢~!!
刪除咕碌仔你條頸鍊好靚! ^_^
回覆刪除呢條係我今年嘅生日禮物，媽媽對佢一見鐘情，貴都買比我呢，卡卡。
刪除碌碌同爸爸張合照好有feel ....正
回覆刪除眼神動作都一致，我都好鐘意呢張相，ee 真有眼光呢。
刪除正啊
回覆刪除最 like 做完 model 坐低休息吓(睇吓我個樣幾滿足), 我呢個 pose 型唔型呀
我最自然嗰一面.........森里終於有機會見到呢，卡卡。
刪除原來企响樹影好威風架，森里鐘意呢張相就証明我個pose擺得唔錯呢。
圓咕碌很懂擺 POST
回覆刪除係呀，我係一個 top model 嚟呢。
刪除