嘆完茶遊地質公園

由Yahoo Blog 搬過嚟(累積瀏覽 563)

4月28日星期日

今日QQ family 約咗我哋同表妹一家去三門仔嘆茶 , 仲好有心一早book 定枱請客 , 我哋响大埔接埋表妹一家 , 然後直達皇朝魚港 , 一點半前準時到達~!!

驚喜一: QQ 媽買埋蛋糕嚟同媽媽慶祝生日 , 呢份心意媽媽非常感動~!!



一定要同QQ family 影合照留念~!!




仲有好耐無見嘅表妹 , 佢依然咁鐘意我~!!




媽媽都話要同表妹影張合景留念~!!




點少得我嘅沙龍相~!!




跟住輪到 QQ 嘅沙龍相~!!




表妹都有同QQ 影合照留念~!!




臨走嚟張QQ 同我嘅合照~!!




跟住我哋一班人坐船去馬屎洲行吓 , 等我話比大家知馬屎洲點解叫做特別地區?  因為馬屎洲擁有香港境內罕有嘅連島沙洲和潮汐生態 , 故此香港政府把它與鄰近嘅"洋洲' 丫洲和一個位於鹽田仔聯益新村東北海面嘅一個未命名小島合稱馬屎洲特別地區，而馬屎洲則為該特別地區中最大嘅島嶼。




第一次帶表妹嚟地質公園 , 佢好開心呢~!!





我身後面就係景點之一" 連島沙洲 " 沙石沉積物在獨特嘅地理環境下受到風和海浪影響 , 逐漸堆積形成沙嘴 , 最後將兩個小島連接起來~!!




另一景點: 貝殼灘




呢度真係有好多貝殼架~!!




沿途見到好大隻嘅蝴蝶~!!




疑似黑色嘅珊瑚




終於行到嚟睇岩石 , 我企住嘅紅色岩石係"泥岩"




泥岩真係好靚呀~!!!!!!!!  




仲有"石灰岩"  深灰色好特別呢~!!




睇完岩石我哋行出海邊睇吓生態環境~!!




發現好可愛嘅八爪魚~!!




仲有蟹仔同蠔殼~!!




表妹玩到唔捨得走~!!




由QQ family 帶頭回程~!!




表妹好開心可以拖住我行~!!




仲好有耐性等我自己行~!!




媽媽話: 兩小無猜嘅背影真係好sweet 呢~!!




玩到五點幾上船返三門仔攞車 , QQ family 順路車埋表妹一家 , 就係咁各自回家lu ,  今日好多謝QQ family 請客飲茶 , 仲買埋蛋糕嚟比咗個驚喜媽媽 , 多謝哂~!!  今日大家都玩得好開心好盡興 , 同表妹嘅感情又邁進咗一大步呢~!!   謝謝收看~!!