由Yahoo Blog 搬過嚟(累積瀏覽 266)
12月30日星期日
尋晚落咗成日雨 , 又濕又凍 , 估唔到今朝起床.................太陽伯伯一早出嚟開工 , 唔駛取消同老友"哈比"嘅約會 , 今日我又做導賞員 , 帶好朋友行鶴藪水塘呢~!!
哈比, 德德, 卡卡第一次嚟鶴藪 , 當然要同佢哋响營地影番張大合照留念~!!
今日陽光充沛仲有少少風 , 最適宜行山呢~!!
"卡卡" 妹妹著咗條靚裙仔嚟行山 , 好可愛~!!
難得大小姐心情靚肯坐定定 , 當然要同佢影多幾張沙龍相~!!
我老友"哈比" 似乎好鐘意呢個新地方呢~!!
細佬仔"德德" 太粗魯 , 成日跑過嚟吠我撞我~!!
搞到我驚咗佢...............只可以咁影合照~!!
聽到哈比媽鬧"德德"又唔忍心~!!
行到嚟水塘...............同"哈比" 跑番轉~!!
睇吓我哋玩得幾開心~!!
玩咗咁耐..............又到咗開餐時間~!!
食飽飽影番張水塘相先~!!
嚟到涼亭...............同"卡卡" 妹妹影張合照留念~!!
我又做model 比爸爸影沙龍~!!
响草地玩咗陣................回程lu~!!!!!!!!
行番出嚟水塘...............藍天白雲仍在~!!
呢隻狗叫"文文" 好乖女.............少出街所以怕狗~!!
"德德" 又撩大狗 , 又吠人 , 搞到比個外籍人士話: bad boy , 睇嚟要好好教育一吓~!!
今次見到好多蘆葦開得好燦爛 , 坐定定影番張相留念~!!
玩咗二個半鐘頭................係時侯返屋企~!!
"哈比"係我由細玩到大嘅好朋友 , 早排佢發脾氣................响屋企四圍vee vee , 以前從未試過 , 唔知係咪自從養咗"德德" 之後少咗出街 , 所以唔開心~!!
依家要叫姐姐每日同佢早晚出街去廁所 , 佢先至開心番 , 無再响屋企發脾氣 , 响呢件事件上............令我明白到响屋企添加幾多新成員都好...............都一定要每個禮拜出一次街減壓 , 好彩媽媽唔怕辛苦...............每個禮拜一定同我去減壓呢~!!!!!!!!! 响度預祝2013年每個朋友仔都有街去, 有愛心餐食 , 笑口常開 , 心想事成 , 身體健康呢~!!!!!!!!! 
沒有留言:
張貼留言