自家制零食

由Yahoo Blog 搬過嚟(累積瀏覽 4288)榮登Yahoo 精選 Blog

6月9日星期六

我由細到大嘅零食.................媽媽都好嚴格幫我挑選 , 唔食國產貨 , 只會買日本or 美國貨比我食 , 但係自從日本發生大地震之後 , 媽媽就好少再買日本零食比我食 , 只會去屯門買餅乾比我當零食就算 , 佢一直都想買部烘焙機整健康零食比我 , 可惜價錢太貴 , 擱置咗呢個計劃 , 响上個月有個朋友教媽媽用焗爐都可以整到烘乾嘅效果 , 於是媽媽趁今日唔駛返工即管試一試呢~!!

做法好簡單.............首先將雞柳放入鑊隔水蒸 8 分鐘 , 取出攤凍~!!




然後切成條狀...............放入焗爐用160度焗半個鐘至九個字 , 是乎焗爐大小而定 , 媽媽因為無預熱...............所以焗咗一個鐘頭~!!





點解等咁耐都仲未有得食架~??





要對媽媽有信心先得~!!





等咗一個鐘頭 , 香噴噴嘅雞條乾出爐喇~!!!!!!!!!!





媽媽話比我聞吓香唔香 , 睇我嘅眼神仲駛問咩~!!





又要做 stay 指令~!!





睇唔到................睇唔到 , 都話我定力好架啦~!!





快啲比我食啦..............又引人~!!!!!!!!!





嘩..............真係好好味呀))))))))))




媽媽見整雞柳成功咗...............於是佢又挑戰整駝鳥肉片 ~!!





其實同整雞柳差唔多 , 都係要蒸熟啲駝鳥肉先................待涼~!!





無預熱焗半個鐘就 o.k. 時間仲快啲添~!!





好香呀...............又引我~!!





脆卜卜嗰喎~!!





自家制零食真係又健康又好味~!!





食多幾塊得唔得呀??





最多比你影張大頭狗相呢~!!




特別鳴謝 A 姐姐教媽媽整咁好味嘅零食比我食 , 以後我就更加有口福 , 世上只有媽媽好................, 大家如果有時間都可以試吓整比你個寶貝食呢~!!