戀戀紅葉

由Yahoo Blog 搬過嚟(累積瀏覽 549)

1月27日星期日

今日契爺契媽約咗我哋見面 , 佢哋啱啱坐完郵輪歐遊返嚟幾日 , 仲話買咗波波比我做生日禮物 , 約咗十二點三响偉記一齊食 lunch , 食到差唔多走嘅時候 , 爸爸見到哈比family 架車 , 咁啱佢哋又係上大棠玩 , 就係咁...............我又可以同我啲好朋友仔一齊行山呢~!!


今次嚟大棠嘅目的只有一個 , 就係影紅葉~!!




好好彩都仲揾到紅葉嘅蹤影~!!





紅葉雖然零零碎碎 , 只要構圖配合到 , 效果都可以唔差架~!!





我個好朋友"哈比" 星期一生日 , 响度祝你生日快樂~!! 身體健康呢~!!





"卡卡"妹妹見到我媽媽最開心 , 不停"請請"問我媽媽攞零食 , 非常之咁可愛~!!





"德德"細佬見到我都係咁鬼熱情 , 我真係吃不消~!!





四個小朋友坐定定同紅葉樹影合照留念~!!





沿途只係得番我身後面啲紅葉樹咋~!!





紅葉雖然已經落得七七八八 , 不過影出嚟嘅效果又唔錯喎~!!





好好彩比媽媽揾到一棵好靚嘅楓葉樹~!!





仲要唔係好多人知道 , 同媽媽影完呢張合照~!!





輪到自己著返件衫衫影張型仔嘅沙龍相~!!

契媽要早走................同佢影張合照留念先~!!





影完紅葉...............比我遇見呢個新朋友仔~!!





你仲咩嘢聞我個 pat pat 喎~??





信唔信我捉你喇~!!





哈哈.............仲捉唔到你 , 睇你點走~!!





玩咗一陣................又繼續我哋嘅行程 , 呢度有棵開滿呢種花嘅樹 , 好香呢~!!

 

行番出嚟...............遇見幾位美少女姐姐 , 佢哋話要同我影合照 , 影完仲借咗手上嘅波波比我影添~!!





最搞笑係其中一位姐姐話要幫我哋揸機影全家福 , 係咪影得好sweet 呢~!!





就係呢幾位美少女 , 謝謝你哋帶咗好多歡樂比我哋呢~!!

玩到五點要走 lu  , 今日遇到好多好好人嘅哥哥姐姐 , 哥哥借單車比我坐嚟影紅葉 , 姐姐又借波波比我影相相 , 仲做咗好多龍友嘅 model , 又比我遇見哈比family  , 又識到幾個新朋友仔 , 仲要玩足幾個鐘 , 超開心呢~!!




希望大家睇完啲相................會感受到呢個行程有幾愉快 , 除咗爸媽戀上紅葉 , 我都戀上咗呢~!!  

愉景灣之旅

由Yahoo Blog 搬過嚟(累積瀏覽 1520)

1月13日星期日

今日約咗"蕃薯", "可樂"同我去郊遊 , 目的地係拍拖勝地"愉景灣" , 爸爸媽媽N 年前拍拖都嚟過一次 , 今次有我哋陪佢哋舊地重遊 , 呢個旅程一定好難忘呢~!!


今次就由我呢個靚仔導遊帶大家睇吓愉景灣有咩嘢特色~!!




嚟到碼頭...............同"可樂" , "蕃薯"影張合照先~!!





呢度有好多露天餐廳 , 坐响度望住個海食嘢 , 感覺好正~!!





仲可以望住咁靚嘅海灘 , 當堂成個人relax 哂~!!





我哋就係沿住呢度行 , 係咪好有外國風情呢~!!





咁靚嘅環境................當然要同我加"蕃薯"家庭影張全家福呢~!!

話咁快就嚟到海灘喇~!!!!!!!!!!





特式一 , 呢度只可以用呢啲哥爾夫球車代步 , 非常環保嘅呢~!!





"蕃薯"同"可樂"都話要同哥爾夫球車影張相留念~!!





沿住海灘行................就會嚟到呢個沙灘遊樂場~!!





我哋三個要同大哥哥影張合照留念~!!





特式二 , 呢度大部份都係外國人 , 睇吓我幾快識到個鬼妹仔 , nice to meet u~!!





同鬼妹仔玩咗一陣 , 繼續我哋嘅行程 , 咁大個仔都係第一次坐帆船影相咋~!!





"可樂"睇中咗呢隻船仔, 話要帶埋佢番屋企玩~!!





"蕃薯"就識貨喇...............帆船加埋佢個燦爛嘅笑容 , 幾有"貴"氣~!!





終於有草地比我哋跑跑喇~!!!!!!!





等我化身一隻兔仔 , 响草地上跑個痛快~!!





可樂跑得好開心呢~!!





佢哥哥"蕃薯" 都唔弱架.~!!





跑完草地去參觀吓外國人住嘅獨立屋 , 係咪好似去咗外國咁呢~!!





跟住我哋就嚟到呢個"中央公園" 玩喇~!!!!!!!!!!  





呢度仲好歡迎狗狗 , 謝謝"蕃薯" 爸幫我哋影嘅全家福~!!





呢度仲有好多唔同種類嘅雀仔 , 爸爸忍唔住打雀呢~!!





跑完草地...............嚟到呢度.................坐定定影番張大合照~!!





特式三 , 就係我同媽媽身後面嘅"玻璃教堂"





望入去................簡潔得嚟好神聖~!!!!!!!!!!





從另一個角度睇.................真係以為自己置身响" 關島" 呢~!!!!!!!!





咁有特式嘅教堂 , 蕃薯family 點可以錯過影合照留念~!!





附近仲有呢座歐陸式酒店~!!





另一邊仲有呢間高級酒店 , 不過未起好~!!





呢度仲有好多靚靚嘅擺設 , 最美中不足就係呢度超級大風 , 吹到我都企唔穩呢~!!





影埋呢張海邊相...............就要返碼頭喇~!!!!!!!!!!




我哋响碼頭食麥當當 , 醫飽個肚就坐車返屋企lu~!!!!!!!!!  今日同" 蕃薯" 可樂" 玩得好盡興 , 大家行咗三個幾鐘頭 , 大人同小朋友攰到一上車就瞓覺 , 咁就過咗一個愉快嘅旅程~!!!!!!!!!!