由Yahoo Blog 搬過嚟(累積瀏覽 599)
3月25日星期日
媽媽話好耐無遊離島 , 早幾日同爸爸提議去大澳行吓 , 就係咁...............我哋今日起程喇~!!!!!!!!!!
估唔到今日啲船期好 full , 原本我哋想搭10:30分嗰班船期 , 點知一早已經賣哂船飛 , 唯有改搭特別加開11:20分嗰班船 , 見咁 full ..............媽媽決定買埋回程船飛 , 點知我哋想搭嗰班船又賣哂飛 , 好彩售票哥哥見我咁可愛 , 私下放兩張船飛比媽媽 , 靚仔真係有啲著數架~!!!!!!!!!!! 
買完船飛仲有成個幾鐘先上船, 唯有走去食個早餐呢~!! 
終於等到夠鐘開船喇.................
坐咗個幾鐘頭船 , 終於到咗目的地~!!!!!!!!!!
呢個碼頭咁靚..............我緊係要响度玩吓先啦~!!
第一站...............一定要參觀吓呢度~!!
睇完呢啲相就知大澳魚村嘅歷史~!!
呢啲就係捕魚用嘅工具~!!
睇完歷史.............就帶大家睇吓海味 , 呢度成條街都係賣海味架~!!!!!!!!!
埋嚟睇..............好多花膠賣~!!!!!!!!!!!
仲有新鮮嘅BBQ海鮮食...............
經過關帝廟~!!
第二站.............一定要嚟探黑超伯伯~!!!!!!!!!!!
為咗食佢整嘅"炭燒雞蛋仔" , 排隊都係值得呢~!!!!!!!!!!!
大澳有水鄉之稱 , 睇完咁靚嘅風景 , 真係實至名歸~!!
第一次嚟呢度................一定要影番張相留念~!!
行入村睇吓先~!!
呢間水上屋真係好有特式呢~!!
成條村都好乾淨~!!
有維修嘅船~!!
仲有一片紅樹林 , 哥哥用佢部懷舊相機影咩嘢呢~??
途經呢度.............當然要入去參觀吓呢~!!
大澳特式之一曬咸魚 ~!!
點解要用紙包住魚頭??
就係唔比蒼蠅飛入去產卵 , 確保衛生唔會有蟲呢~!! 
特式之二曬咸蛋黃 , 媽媽細過好鐘意食呢~!!
特式之三曬金桔
沿新基橋行番出大街
有間小型花舖
行咗咁耐.............入冰室食個 Tea 嘆吓冷氣先~!!
食飽飽起程去第三站喇..................途經消防局
行咗半個鐘就係嚟呢度 , 呢坐前身係一間警署 , 2011年活化成一間精品酒店 , 响2009年12月18日古物古蹟辨事處確定為二級歷史建築物~!!
可以選擇排隊搭升降機
或者選擇行我身後面條樓梯
上到嚟先知我唔入得 , 點解頭先响樓下排隊嗰兩個實Q 都無話唔比入呢~??
好彩媽媽都講掂咗嗰哥哥 , 入袋都可以繼續參觀 , 唯有委屈我一陣 , 唔想掃爸爸興呢~!! 
呢度有兩層樓高 , 有餐廳有展覽館 , 屬四星級酒店~!!
睇吓啲窗幾懷舊~!!
今年先落成..............大澳文物酒店~!!!!!!!!!
環境真係唔錯~!!
沿呢度斜路行番落樓下
時間過得真係快................係時候行番出碼頭坐船 lu~!!!!!!!!!!!
大澳之旅咁就結束咗呢~!!
謝謝收看~!!!!!!!!! 
返到屋企洗完白白 , 食埋dinner 我攰到即刻揾周公傾計 , 爸爸媽媽就趕住七點半去嫲嫲度食晚飯 , 今日我玩得好開心呢~!!!!!!!!!!
