由Yahoo Blog 搬過嚟(累積瀏覽 487)
12月27日星期二
今日係聖誕假期嘅最後一日 , 尋日Boxing day 我哋一家人响屋企hea , 抖足一日..............今日再出擊 , 約咗成班朋友仔去東霸玩 , 未上東霸之前 , 首先醫咗啲大人個肚先 , 一班人响西貢飲茶食個包先 , 食飽飽先出發~!!
我哋响保良局泊好車 , 然後搭的士上西霸 ..............., 响萬宜水庫影幾張相 , 就嚟到呢度喇~!!!!!!!!!! 
呢度咪就係"破邊洲"地質公園~!!!!!!!!
唔該哂 bibi 爸幫我哋揸機影合照 , 睇吓萬宜水庫啲水真係好藍 , 好似我條煲呔咁藍呢~!!
第二個家庭出場喇...............就係我兩個學生 MuiBe family
第三個家庭.................就係好乖乖女嘅BiBi family
第四個家庭...............就係成日掛住笑容嘅蕃薯可樂 family
影完家庭照我哋上番的士 , 直駛入東霸 , 到咗喇..............當然要影番張相留念~!!
點少得同媽媽影合照呢~!!
仲有成班朋友仔都係第一次嚟.............心情好興奮 ~!!!!!!!!
睇吓大家幾開心~!!!!!!!!!!
呢啲一條條嘅石 , 點解會變成咁呢??
其實係由火山岩組成 , 岩漿從空中跌落地面 , 岩漿冷卻變成固體 , 按自然的收縮規律 , 形成一條條六角形的岩石柱 , 俗稱"六角柱" 呢啲六角柱有成一億年歷史咁耐呢~!! 
呢舊就係"六角柱"喇
無嚟兩年...............依家呢度仲做埋地質公園 , 真係好威水~!!!!!!!!!
咁威水我當然要影番張相留念呢~!!
响呢度望過去...............就係"破邊洲"同東霸~!!!!!!!!!!
"破邊洲"就係指嗰兩舊海中的岬角 , 點解會叫做"破邊洲"??
破邊洲與糧船灣原本屬於一體 , 由於受到長期海浪撞擊及侵蝕 , 岬角之間的縫成為侵蝕的焦點 , 最終岬角兩端的岩石脫落 , 從此與糧船灣分開 , 分開的"破邊洲" , 地理學上稱之為" 海蝕柱"
响呢邊影番過去...............就係東霸 , 我哋頭先响東霸行過嚟架~!!
BiBi family 身後面................就係一個山洞 , 好多人走入去探險 , 我哋派咗蕃薯爸同佢個仔仔入去睇吓 , 入面唔算大 , 不過一場嚟到 , 點都要去探吓險呢~!!
跟住行過嚟呢邊影相 , 我左右係一排排嘅圓吼 , 又深又高 , 入面仲有水添 , 真係每步一驚心~!!
又嚟影吓家庭相 , 蕃薯可樂 family
Mui Be family
BiBi family
最後嚟張全體大合照~!!!!!!!!
臨走影多張東霸沙龍相~!!
BiBi 係咁多朋友仔之中肯跟我坐响呢度影相 , 因為下面已經係水嚟架 , 如果坐唔定就會跌咗落水~!!
影完相我哋一行人浩浩蕩蕩行番上山 lu ~!!
玩咗成日.................係時候介紹一吓今次探險團嘅朋友仔 , 呢個係烈女" MuiMui "
呢個係MuiMui 個妹" BeBe "
呢個係猛男"蕃薯"
仲有佢個超活潑細佬"可樂"
點少得靚女" BiBi "
當然由我呢個搞手做壓軸出場啦~!!
希望今次呢個探險團帶比大家一個美好回憶 , 我哋成班人仲玩得好開心添 , 美中不足係靚女 Momo 病咗出唔到嚟 , 希望佢早日康復 ,
同埋媽媽預計唔到呢度變咗地質公園之後多咗好多遊客 , 搞到我哋走嘅時候...............等唔到的士 , 唯有call 的士上嚟 , call 的士都等咗成個鐘 , 我哋坐响涼亭度吹西北風 , 媽媽同我最怕係凍親所有朋友仔 , 冷病咗就會好肉疚呢 , 希望所有團友都無凍親呢~!!!!!!!!!! 响度預祝大家踏入2012年..............每日都過得開開心心 , 身體健健康康 , 一家人齊齊整整 , Happy New Year ~!!!!!!!!! 
